Luka 1:67-79

⁶⁷A napa Zekhariah tah Mueihla Cim neh a baetawt.

⁶⁸Te dongah a olphong neh, “A pilnam te a hip tih tlannah a saii dongah, Israel Pathen Boeipa tah uemom pai saeh.

⁶⁹A taengom David im khuiah mamih ham khangnah ki a thoh sak.

⁷⁰Khosuen lamloh a tonghma ciim rhoek kah ka dongah a thui vanbangla,

⁷¹Mamih kah rhal rhoek neh mamih aka hmuhuet rhoek boeih kut lamkah khangnah,

⁷²a pa rhoek taengah rhennah tueng sak ham neh a paipi ciim te poek sak ham,

⁷³a pa Abraham taengah olhlo neh a toemngam te mamih paek ham,

⁷⁴amah taengah thothueng hamla rhal kut lamloh hoel n'hlawt coeng.

⁷⁵mamih kah khohnin rhoek boeih te amah hmaiah duengnah neh cimcaihnah ham ni.

⁷⁶Te phoeiah, camoe, nang tah Khohni tonghma la n'khue vetih a longpuei rhoekbah ham Boeipa hmaiah na lamhma ni.

⁷⁷Amih kah tholh khodawkngainah rhangneh a pilnam taengah khangnah mingnah a paek ni.

⁷⁸Mamih Pathen kah rhehnah om. Te nen te a sang lamkah khothoeng loh mamih n'hip.

⁷⁹Dueknah mueihlip neh yinnah khuiah aka ngol rhoek ham te a tue vetih, mamih kah kho te ngaimongnah longpuei la hoihaeng ham ni,” a ti.