Luka 1:67-79

⁶⁷Sakariya aba wake Yohane kamemesighwa na Ghumuhe ghwe Imulungu, naye katabili imbuli kulawa kwe Imulungu.

⁶⁸“Lekani tumtunye Imtwatsa, Imulungu wa Isiraeli! Kwaapfila kawatsila iwanu wake na kuwakombola.

⁶⁹Katwing'a twetwe Mkombotsi yane ngupfu, mtsukulu wa imtumwa wake Daudi.

⁷⁰Ka pfalongile kulawa ghumwande kubitila manabii wake wahenzeluka.

⁷¹kutukombola kulawa kwe iwehile wetu, na kulawa kune ingupfu ya wose iwotwihila.

⁷²Tsakalonga katsowonela libatsi iwabala wetu na katsokumbuka lilaghano lyake lyenzeluke.

⁷³Kelighita ghendo kwa Abrahamu imbala wetu

⁷⁴katsotukombola kulawa kwe iwanu iwotwihila. Na katwapfila tudahe kumsang'anila bila kupfuka,

⁷⁵tuwe wenzeluka na tuwe iwanu wanoghile hambele hake, matsuwa ghose gha ughima wetu.

⁷⁶Ghweghwe imwanangu, kutsokemighwa nabii we Imulungu yali Uchanya ng'ani. Kutsomlongolela Imtwatsa umgholosele inzila yake.

⁷⁷Kuwalongela iwanu wake watsokombolighwa kwa kuleghusighwa nzambi tsawo.

⁷⁸Imulungu wetu kana libatsi na ghumoyo ghunoghile. Katsowamwemwesela ghumwanga ghwa ukombotsi kulawa kulanga.

⁷⁹Ghutsowamwemwesela iwanu wose iwali mne ichisi na sisila lya ifwa aghalongotse maghulu ghetu mne nzila iili tseghamba.”