Luk 1:67-79

⁶⁷Asa Yuqa Surumí ŋundo iwí Sekaraiako maŋgoriní ye-ye mande ka ŋande yaró,

⁶⁸“Nore Uni Parámi, Israel koro Anutu ŋuro owí hokato. Dokoro enendo mahero eneŋo unipareyó kimo yerero

⁶⁹unipare rambaruru koŋgo yorewero quro eneŋo sunará simóŋo Dewit koro sowe qu ka riní otoqaró.

⁷⁰Komo suki Anutuko o ŋuro eneŋo ye-ye uni meté horé maŋgoyemo yaró.

⁷¹Ŋande yaró, ko saŋgirínani moŋgo nore norero uni newonde piyimi te yunoyoteŋgo qu kandeye moŋgo yoreweya.

⁷²Ŋunde tero usisambananimboro sikíye te yunoro mande kondé surumí komo kusiyaró ŋu iŋoyote.

⁷³Mande kondé ŋunde yero usinani Abraham ŋande miraró,

⁷⁴ko uni saŋgirí kandeye moŋgo nore noriní khoyó meté tewero quro kama sorewero

⁷⁵naru rokóŋoro eneŋo toŋímo otete roneneŋowí howero meté horé tero kho ŋu tewato.

⁷⁶Naŋone, ke Anutu Koreko Horé yote ŋuro ye-ye uni ka, ye neko kerewaŋgo. Dokoro keto koretero uyaro Uni Parámimboro kheyó roŋgaruwoweya.

⁷⁷Ŋunde tero keto eneŋo unipareyó ŋande yimitoyoweya, ko enendo quhuríye se rotoro rambaruru koŋgo yoreweya.

⁷⁸Dokoro enendo newonde surumí tero nore sikínani te nunoyote. Ŋu muríwore kosa areró ŋundo kore koŋgo noreno mahero

⁷⁹uni huririko yoteŋgo quya kindo khumowero kusuŋoyómo yoteŋgo quya hiyó yunoro khe newonde ime qu nore witú yereweya.”