Luk 1:67-79

⁶⁷Nɛn saan nɛ *Mifuoñaanm jiire' ní kibuk nnɔ ya baa Sakari bo ki tì gben', ki cère' u sɔkndeh Uwien ya ñɔbon ki teh:

⁶⁸«Tí pɛ̀ke mɛn Yonbdaan, tinbi Israyɛl yaab ya Wien, kimɛ u baa' uʼnib saan, ki teke' bɛ ki wiɛ',

⁶⁹ki cère' wà li ŋmiɛn tɛ, ñɛn' uʼtonsɔnl *Dafid den, ki ŋmɔbe mituɔm.

⁷⁰U là cère' uʼñɔbonsɔknb len' nɛn nɛ uyo bo.

⁷¹Bi là len' ki ye: ‹Uwien ye u li fie tɛ bà se tiʼbo saan, kí ñɛn tɛ bà kɛ nɛn tɛ ya nuɔ ni.

⁷²U là muɔ' tiʼyaajɛb micɛcɛkm, ki tiɛre' uʼjɔtieku bó.›

⁷³U là pùon' nà sɔ tiʼyaajɛ Abraham:

⁷⁴‹u là ye u li ñɛn tɛ tiʼnɛnnɛndb ya nuɔ ni, ŋɔ tí li pukeh wɔ ki la fɛnge,

⁷⁵kí li pɛ uʼbo mɔnmɔnm, kí li cuube uʼnun bó, tiʼfuobm kɛ ni.›

⁷⁶‹Sin, nʼbukɛ, bi li yin ŋɛ Uwien wà ŋa ŋmɔbe Nacentɔ ya ñɔbonsɔknl. Kimɛ a li liere Yonbdaan, kí tùɔre uʼsɛn kí de wɔ,

⁷⁷kí cère uʼnib ń bɛnde kí ye u li fère bɛ biʼbiɛre, bɛ ń ŋmɛre.›

⁷⁸Kimɛ tiʼWien ŋmɔbe tinimɔ̀nt ki gbien'. Uʼnimɔ̀nt nnɔ bo nɛ u li cère kuwenwenku ń ñɛ paaki bó kí wende tiʼbo tɛn uwien puɔreh ma bo.

⁷⁹Kuwenwenku nnɔ li wende binib bà te licinñunl ni, mikuum ya jinjinku yiin biʼbo nnɔ. Kù li wuɔn tɛ usɛn wà li de tɛ uyɛnduɔn.»