Luk 1:67-79

⁶⁷Kë *Uhaaş wi Naşibaţi uşë bi, aneej aŧum ţi Ŧakariya aşin napoţ, kë awo ţi pţup ji *baţupar Naşibaţi aji :

⁶⁸« Najoh ŋdëman Ajugun, Naşibaţi i *Iŧrayel ţiki abi ţi nja, pbuuran bañaaŋ biki nul.

⁶⁹Anaţan pa un, ţi biki pşini pi *Dayiţ nalemparul Nabuuran i phina pweek,

⁷⁰Jibi abiiŋ aţup ţi mntum mi baţuparul bayimanaan bajon.

⁷¹Aji ankmbiiŋ, aluŋ kabuuranun ţi başooradun, aluŋ kapënanun ţi iñen yi bampokuŋ un bŧi.

⁷²Hënk, Naşibaţi adiiman mnñaga mi nul ţi bateemun aşë leş kahoŋ kayimanaan ki adoluŋ.

⁷³Abi hoŋ *Abraham aşinun amehna,

⁷⁴aji, aŧehun, kapënan ţi iñen yi başooradun, abot ado kë ŋhil adëmana na mntëŋ,

⁷⁵ŋhilna ŋwo bajinţ na baŧool ţi këş ki Naşibaţi, ŋnuur bŧi ŋi ubida wi nun.

⁷⁶Kë, iwi, napoţ i naan, iluŋ kadu'ana naţupar *Andëmuŋ Maakan, Naşibaţi iluŋ kado kapoş ţi kadun ki Ajugun, kabomana bgah,

⁷⁷kaţupna pntaali pi nul, kë aluŋ kabuuran baka, wi akbiiŋ kapënan baka ţi ipekadu yi baka.

⁷⁸Naşibaţi aŧum na mnñaga, ukaaŋ kë akluŋ kado kafiiţun na bjeehi banwoonuŋ baţi, bannaamuŋ na bi unuur unkmayuŋ,

⁷⁹kajeehanaan banwooŋ ţi bdëm na ţi ulimënţ wi pkeţ, kaţijun ţi bgah bi mnjeeh. »