Lucangundru 1:67-79

⁶⁷Ja Zacharias, ngaperi nunkani, Jaolali kulikirieli manamiri pantjina wonti, ja nulu talpadakana wonti ja jatana wonti:

⁶⁸“Jurakokana nganaiatimai Kaparani, Israelaia Godani, ngangau Nulia najina wonti ja kulkana ngankingana wonti kana wolarani nunkanani,

⁶⁹Ja Nulia murlaia jurietjali ngaianangu jiritjibana wonti Davidani milini nunkanani pungani,

⁷⁰Worderu Nauja jatana wonti nunkani Prophetaia kulikiria manali, tana ngopera nganana wonti.

⁷¹Nulia ngaianana kulkananto ngaianani talpalandru, ja mara pratjanandru tana ngaianangu kalakalariai,

⁷²Kalumiltjamiltjarina ngankala ngaianani ngaperi worani, ja ngundrala nunkani Testamenta kulikiri;

⁷³Jaura morlalu, nina Nulia talpadakana wonti Abrahamangu ngaperi ngaiananani, ngaianangu jinkila.

⁷⁴Ngangau ngaiana japanguru, Nulia ngaiananana tulaia marani matja kulkana, mili nunkani nganananto.

⁷⁵Kulikirilani ja talkulani nunkani mudlani ditjini warupotuni ngaiananani.

⁷⁶Ja bakana jidna, kupajai, tanali Kapara pirnaia Propheta dikala nganai, ngangau jidni ngopera wapaia nganai Kaparaia mudlani, palto nunkani ngankingala.

⁷⁷Murlaia ngujamani jinkila kana wolarani nunkanani, madlentji tanani kalingala.

⁷⁸Godaia ngaiananaia ngarali kalumiltjamiltjarinandru, nunkangundru ngaianangu mirindru praitji dunkana warai,

⁷⁹Tanangu mintjila, tana ngalpurani ja naria pungalani ngamanani; ngaianani tidna murlaia paltuni wirilkala.”