San Lucas 1:67-79

⁶⁷Zacarías, ipapá n chokotsi otenki de Espíritu Santo iwa ijkí okijto:

⁶⁸Maweyijkachito n Toteko Dios de Israel, porke okinmakixtiko ialtepeikniwah.

⁶⁹Ye otechaltitlanili se chikaktik temakixti, se non iwejkaixwi n Rey David itékitki n Totajtsi Dios.

⁷⁰Ijkó kemi Dios yokijtojka ya wejkawitl ijkuak iprofetajwah yolchipawakeh otechmatiltijkeh:

⁷¹Ye techpalewiskia inmak akimeh techkokolia iwa inmak akimeh techtlawelitah.

⁷²Noiwa okijto kinmiknomatiskia totatawah iwa ayik kilkawaskia tlan okisentlali kichiwaskia.

⁷³Ye ni tlan Totajtsi Dios okisentlali iwa totata Abraham:

⁷⁴Ye okisentlali techpalewiskia de inmak akimeh techkokoliah, para amo matimawikah ijkuak tiktekitiliskeh,

⁷⁵matiyetokah tiyolchipawakeh iwa timilajkameh inawak Dios, asta ijkuak timikiskeh.

⁷⁶Iwa te, nokone, mitsnotsaskeh profeta de n Totajtsi Dios non weyijkatitok. Porke te tias iyakapa n Totemakixti para matlaneltokakah inawak,

⁷⁷iwa tikinmatiltis itlakaikniwah, kintlapojpolwis de intlajtlakolwah, iwa ijkó weletis momakixtiskeh.

⁷⁸Porke n Totajtsi Dios kintlapojpolwia ken milák kintlasojtla. Iwa kemi kinmiknomati kinwaltitlanilis n Temakixti non wits de ilwikak,

⁷⁹para kintlawilis akimeh nemih kan tleyua iwa akimeh kateh kan itlasekawilo n mikílistli, iwa para techyakanas itech se kuali ojtli.