Lucas 1:67-79

⁶⁷Hua Zacarías itajtzi Xohuö iyulo otie de Espíritu Sönto. Otlayulepante, hua oquejto:

⁶⁸Ma tetieteochihuacö Tlöcatzintle Deus de Israel, que ohualiloac ca tiepuieblo, hua oquemöquextejque,

⁶⁹hua ocajcojque sente tiemöquextiöne para tejua, de ixenöchpelhua de David tietlatequepano.

⁷⁰Pues ejqueu oquejtojque por incamacopa de tietlayulepanhua yecteque tli oquepujque tietlajtultzi desde ca opie tlöltecpactle.

⁷¹Tiechmacaque nemöquextelestle de toenemigos, hua de innochtie tli tiechtlajyelejta.

⁷²Ejqueu quepeasque icnuejtelestle ca totötajua, hua quelnömequesque de inu acuierdo yectec tli oquechijque,

⁷³hua de inu promiesa tli oquejurörojque ca Abraham totöta.

⁷⁴Pues oqueprometierojque tiechmacasque ini nönca: que temöquisasque de inmöpa de toenemigos, hua tetietequepanusque sin mabelestle,

⁷⁵ca yectelestle hua nemelestle yectec para ca yejuatzi, mientras teneme.

⁷⁶Hua taja, peltzintle, teyes tetlayulepante de öque lalebes bieyetzintle iloac. Pues taja teyös delönte de Tlöcatzintle, para tecyejyectlöliti tieojfe.

⁷⁷Tequemixtlamachtiti giente de tiepuieblo quiene momöquextisque, para ejqueu toDeus quenperdonörfisque de intlajtlacul,

⁷⁸porque yejuatzi quemicnuejtalo. Por inu, desde ompa tlacpac hualiloas quiename cuöc quisa tunale,

⁷⁹hua quenmacasque tlöbile tlin neme ipan tlajtlayohuaquelestle hua ipa locör de mequelestle, hua tiechyecönasque para tocxehua ma nejnemecö ipa ojtle de yecsiebelestle.