Like 1:67-79

⁶⁷Terduɔŋgu faŋgu-na, *Diiloŋ-Yalle pãŋ yu Sakari huɔŋga‑i. Diiloŋ wuɔ dii nel daama‑i u nuŋgu-na u tuɔ hãl-ma nalãaŋgu wuɔ:

⁶⁸«Itieŋo gbĩɛ baa jaaluŋgu. *Isirahɛl-baamba Diiloŋo temma si dii. U juɔ ji kor u baamba‑i.

⁶⁹U hãa-ye ninsoŋ-koŋkortieŋo. U hielaa-yo *Davidi hãayɛ̃lmba-na. U hielaa-yo u cãarãŋo dũŋ-nu hã-ye.

⁷⁰Wuɔ ciɛ u *pɔpuɔrbiemba waŋ ma yaa dii ku huɔŋgu-na

⁷¹wuɔ u ka hũu-ye i bigãarãamba nammu-na.

⁷²Diiloŋo firiinu u huɔŋga‑i baa i bĩncuɔmba‑i. Uŋ pãa nuŋgu maŋ u *tobisĩnni-na, ku maama saa karaanu-yuɔ.

⁷³U pãa nuŋgu faŋgu yaa baa i bĩncɔiŋo‑i *Abiramu‑i

⁷⁴wuɔ u ka hũu-ye i bigãarãamba nyisɛ̃nni-na aa ce i tiɛ cãa u yaa‑i aa korma baa ta ma da-ye.

⁷⁵I ka waa nelfafaaŋ miɛ baa nelviiŋ miɛ yinni maŋ joŋ a ji hi i kuliiŋgu.»

⁷⁶Aa gbɛ̃ bɛpolŋo‑i wuɔ: «Mi biɛ, nuɔ fuɔ, ŋ ka ta yaaŋga Itieŋo-na ka cãa u hũmelle‑i, a ce dumaaŋo-na ba ka ta ba bĩ-ni Dɔrwuoŋo pɔpuɔrbiloŋ nuɔ.

⁷⁷Ŋ ka ce u baamba suɔ wuɔ Diiloŋo ka hur ba ãmbabalma‑i a kor-ba.

⁷⁸Miɛ Diiloŋo faa aa u tiraa waa hujantieŋo. U ka pa bãfɛliɛŋgu yiɛ. Ku ka waa ŋaa bãansɛ̃niɛŋgu.

⁷⁹U ka pa-ku hã bamaŋ dii kukulma-na. U ka pa-ku hã bamaŋ dii kuliiŋ-hũmelle-na. Bãfɛliɛŋgu faŋgu ka dii-ye yaafɛ̃lleŋ-hũmelle-na.»