Luka 1:67-79

⁶⁷Zakalia, awamundu Yohana, ngatwele Uhuke jwa Chwapi, ngalenga nhwalo gwa Nnoongo gongo,

⁶⁸“Talumbe Angwana ana Nnoongo bu Kuisilaeli, baike kajangata bandu bakwe na kakombola.

⁶⁹Butupile nkomboi juna makakala, ju lungolo lwa Daudi mpakachi jwabe.

⁷⁰Andi palenga kutumbu lolo, kupete kwa akalondoli bakwe ba chwapi.

⁷¹Kutenda mabutukombola kwa akangondwa bito, nu mumaboko ga boa ababutuchimwa.

⁷²Ngabalenga mabakolela kia akananhota bito, nu kombokela lilagano lyabe lya chwapi.

⁷³Nnoongo ngampe lilagano nhwoko gwito Ulaimu,

⁷⁴ngalagila kutukombola kuboka kwa akangondo bito bakabe na mbweleje tabegelele panga mbwele,

⁷⁵tube tambone andi papala Nnoongo machoba goa gukulama kwito.

⁷⁶Mwe mamanango, mankemigwa, nnondoli jwa Nnoongo ojwabi Nkolongwa muno. Mwenga mamalongalela Angwana, kutendekea ndela jabe,

⁷⁷ngabalengela bandu bakwe kutenda mabakomboligwa na kalekekeya mabaja gabe.

⁷⁸Nnoongo jwito jwambone na juna kia. Ma auluya lumuli lu komboi nu kutumulikila,

⁷⁹na kamulikilanga kuboke kumbengu boa abatamanga mukiwili cha kiu, atulendele undela tujenda kwa tengela.”