Ruku 1:67-79

⁶⁷Mai iyampon afóe Sekaraiyan aúpin Kantá Aunan mano vikavíkan sakhanampa vaya máa sen mino:

⁶⁸“Bafan avisá daní ó tifano. Béi Isareri nanin bantai Ayarafenu ino. Béi ma varará eraven barará nanin banta kama uren ume fintena evaránen avíken mino.

⁶⁹Tetin evaránen tivirano van bei yoran banta Devitini kéká pintena béi mana ákona vanta maman dákó uáden mino.

⁷⁰Pefá ma vei kantasí ukhein sakhanampa vanta kayo oorá ma sikhá einíi en mino.

⁷¹Béi ma siyáken namuro ayan pintena vá tetin ma ará namu usintiyain kéká ayan pintena vá ma evaráné tivirano van ma sikhá ein mi yákó en mino.

⁷²Tetin tináuyan arunan uren aya ukharen mino. Pefá ma manafin kasukhen ban kantasí ukhein baya ma veyantá tikharé ein mai van béi ovaren me inen mino.

⁷³Tetin tinafu Abaraamun avorá ma ayan befiyó uren ódino fura sé uno ma véi sikharé ein danái saréa setimpin afoká en mino.

⁷⁴Ma mai ma véi iyáantan baré ein mino. Béi ano namuro ayan pintena setin tivían ádun kaintí báké ída feran beni yorarí ó tifanté uno.

⁷⁵Ena ena yamú béin avorá teti kantasí é puntáké ana vá bá tifano.

⁷⁶Mai van mi se sanin noe, ínaimpá éi nan Moéken Dan Bain Tiyarafenui sakhanampa vanta ino siyantiya éi ano Bafani an uante oreya aa uvisin nono.

⁷⁷Bei vanasi evaránen aviran nain afova amiresin betí ankani ume arúantanten mino.

⁷⁸Para vara seyo, Tiyarafenu ano vei sarisarifói máan tinten mino. Mai maen Yisasi ano kakhan an den Tiyarafenu vaípáké teti vaípá eranten mino.

⁷⁹Minó nanin banta ma anukheimpin báken ma umefin purein an dakhein mai on mano kakhaantantin ará kusin aintá oró tifanté uno.”