LUKE 1:67-79

⁶⁷TeAitu Tapu raa ni tau i Zechariah, te tamana John, teenaa ki hakaea ia naa taratara TeAtua:

⁶⁸“Taatou ki hakanau i TeAriki, TeAtua Israel! A Ia ni au no tokonaki ki ana tama, teenaa ki hakassaoria laatou,

⁶⁹A Ia ni kaumai tana Tama haimahi ma ki au no hakassaoria taatou, teenaa se tama e au i te manava David, te tama e heheuna iaa ia.

⁷⁰Imua iloo raa, a Ia ni purepure ake ki ana pure e ttapu,

⁷¹maa taatou ma ki hakassaoria a Ia i naa tama e tautau haaeo ma taatou, aa ma naa tama e lotoffaaeo i taatou.

⁷²A Ia ni vana maa Ia ma ki manava aroha i naa tippuna taatou, aa maa Ia ma ki hakamaarona i ana taratara hakamaatua e ttapu ni tuku imua.

⁷³TeAtua ni purepure ake ki taatou tipuna Abraham maa Ia ma ki hakasaoria a Ia taatou i naa tama e tautau haaeo ma taatou, teenaa ki tiiake taatou ki heheuna see mattaku iaa Ia,

⁷⁵ki ttapu taatou, aa ki ttonu naa sosorina taatou imua ana karamata i naa aso hakkaatoa i naa ora taatou.”

⁷⁶Teenaa Zechariah ki mee ake ki te tamariki naa, “Taku tamariki nei, koe ma ki taapaa ma se pure TeAtua i-Aruna. Koe ma ki hano vaamua TeAriki no hakatonu tana ara;

⁷⁷koe ma ki hakaea ki tana kanohenua raa i laatou ma ki hakassaoria, i naa haisara laatou ma ki uiia TeAtua.

⁷⁸TeAtua taatou raa se Atua e manava aroha aa e laaoi. Teenaa a Ia ma ki haia a Ia te maasina te noho laaoi raa ki maasina mai ki aruna taatou,

⁷⁹ki maasina iho mai i te lani ki aruna naa tama hakkaatoa e nnoho iloto te poouri, teenaa ki hakattaki taatou ki te saarena te noho raaoi.”