37mumbiŋ, “Jesu Nazarete haeonec warekac.”
38Mupie manarâ hahaŋne bahuc wirarâ muwec, “Jesu go Dawidire ɋâriczi nore mac buge sâqoreoc me!”
39Iŋuc eme ŋic bâniembiŋ jaŋe niniŋkerâ ŋeocte dâŋ mucnembiŋ. Eme eki dâŋjeŋic mana takirehuc fotarierâ wirawec, “Go Dawidire ɋâriczi nore mac buge sâqoreoc.”
40Eme Jesuzi manarâ hatao domahuc muwec, “Ŋoŋe norao bawareniŋ.” Mume tiŋtuŋzi erao fisime wiocnerâ muwec,
41“No wemo egarepemurâ mukic?” Eme tiŋtuŋzi muwec, “Wofuŋ, no ʒâŋe fifihec epere enarekac.”
42Mume Jesuzi ʒiŋuc âzâcnewec: “Ʒâŋege fitâcneoc, mamanasiŋgere biaŋgukac.”
43Muha izia ʒâŋe fifihec ewec. Erâ Jesu bâjâpehuc Anutu muteŋkewec. Â ŋic wiac i homembiŋzi iŋuc jaha Anutu muteŋkembiŋ.