Luke 18:37-43

³⁷And thei seiden to hym, that Jhesus of Nazareth passide.

³⁸And he criede, and seide, Jhesu, the sone of Dauyd, haue mercy on me.

³⁹And thei that wenten bifor blamyden hym, that he schulde be stille; but he criede myche the more, Thou sone of Dauid, haue mercy on me.

⁴⁰And Jhesus stood, and comaundide hym to be brouyt forth to hym. And whanne he cam nyy, he axide hym,

⁴¹and seide, What wolt thou that Y schal do to thee? And he seide, Lord, that Y se.

⁴²And Jhesus seide to hym, Biholde; thi feith hath maad thee saaf.

⁴³And anoon he say, and suede hym, and magnyfiede God. And al the puple, as it say, yaf heriyng to God.