San Lucas 18:37-43

³⁷Uspane ussa sɨnkaara: —Jesúsne, Nazaret pɨpuluras, pɨntu.

³⁸Suasne usne ka tɨnta akwara: —Jesús, nune au ñamin Davidpa pampa pashpa i. Nawa iz kit kiwaincha.

³⁹An ñancha ɨmturuzne ussa kurunaara, kalpain uznapa. Usne an tɨnta akwat kit kaizta: —Jesús, nune au ñancha Davidpa pampa pashpa i. Nawa iz kit kiwaincha.

⁴⁰Suasne Jesúsne kun kit kaiznara: —Une ussa nawa kararain. Us Jesúspa kasha piannakane, Jesúsne ussa ka mɨmara:

⁴¹—¿Chima nua kinpai? ¿Chima pashimtus? Usne ka sɨnkara: —Anpat. Kasu izkulnincha.

⁴²Jesúsne ussa kaizta: —Kasu izti. Nawa nɨjkulta akwa, kasu izkulti.

⁴³Sun urain usne izkul kit Jesústa kanpat kit kaizta: “Diosne kwisha wari.” Sunta izamtuasmin, wan awane kaizamɨzta: “Diosne kwisha wari,” kizara.