Luke 18:37-43

³⁷Setiri ungoi uso yei sisera, “Iesu Nazareth nati embo awa mambutira.”

³⁸Setero umo gogo dimbudo sisira, Iesu David da orobe na jo egae.”

³⁹Edo umo awodo setiri embo giti da pepeta isera amimi umo isiburise sisera ge do. Awarate umo sekago gogo dimbudo sisira, “David da mei na jo egae.”

⁴⁰Setiri Iesu ainda petedo embo da yei embo diti guba ari awa uso yei budo purorase sisira.

⁴¹Edo embo diti guba ari awa Iesu da yei asusubedo bugiri uso yei nganega isira, “Na iso yei ro anase dipapa esi?” Setiri embo amimi mina sisira, “Bada na sekago yei gari dipapa ena.”

⁴²Setiri Iesu mi uso yei sisira, “Awara iso ge be ari mi etiri ewamei etesa awasedo sekago yei gio.”

⁴³Setiri burigi be embo awa sekago yei gosisira. Edo yei gosise Iesu ambo ambo ise edo umo Mamo jasiga isira. Edo embo jiwae be ro isira awa gido ungoi berari Mamo jasiga isera.