Luk 18:37-43

³⁷Odocob age madoin, “Jisas Nasaretdec woolhi nuina,” doin.

³⁸Odocob uqa utai madon, “Jisas, Dewid Melah, ijanu walol heiale!” don.

³⁹Odocob dana cajaca aquni tawein eu age gagaladudu madoin, “Cain utaagaun. Culugale,” doin. Euqa uqa feeaadi co suli u haun utai madon, “O Dewid Melah, ijanu walol heia!” don.

⁴⁰Jisas tului tawimei dana ameg galuc mec eu uqa cemenug ehi loqagannu gagadic maaden. Dana ameg galuc mec eu uqa cemenug hocob Jisas sisildon,

⁴¹“Ija hina eeta odihigennu cisdogona?” don. Odocob uqa jejeg hewi madon, “O Tibud, ija ceteh fecnu madigina,” don.

⁴²Odocob Jisas madon, “Hina wawin meleec eu me mihia. Meciaga!” don.

⁴³Odocob dana eu mahuc bahic ameg fogo docob uqa ceteteh cunug fen. Odimei Anut hetaga dudu Jisas toodon. Dana cajaca eu fimeig age cunug Anut binan sulein.