Lukas 18:37-43

³⁷Wén i séménumbule mano, “I Jesuse tidéw Nasaret témara.”

³⁸Tidéw béno, téménabar métanug mano, “Jesus, séfu Datu Dabid, fégédaw go begén!”

³⁹I de étéw métah bé Jesuse géléé ro maro, “Kago selekén!” Endob taus so mékes toow na fo métanug mano, “Jesus, séfu Datu Dabid, fégédaw go begén!”

⁴⁰Atin téménrén i Jesuse brab nongotén i étéwe ni uwitén mangéy dob Beene. Amun énggéfégédétén, fénénginsaa Jesuse mano,

⁴¹“Ati kétaya muwe rigoné ku dob beeme.” Séménumbul i langaféne ni mano, “Kadnan, méuyotu gégito damén.”

⁴²Atin bénréh Jesuse de mano, “Gégito gon. Adi-adi gon, non méngintoow go.”

⁴³Sonom béno, énggégito nén i langaféne ni, atin ménfuray bé Jesuse démayéw bé Tuluse. Amun énggitoy de étéw i ni ménrigo, dénayéw ro soy Tuluse.