Lucas 18:37-43

³⁷Tsa nzhab re men lo syeg: ―Jesús zha Nazaret nderid nzhee.

³⁸Tsa lee syeg dib gan mrez, ne nzhab: ―¡Jesús xgann David, blat leettsooʼa neʼa na!

³⁹Tsa lee syeg mkox lo re zha kuu ndener, ne nzhab zha: ―¡Btow rooʼa! Per lee syeg masraa mrez ne nzhab: ―¡Jesús xgann David, blat leettsooʼa neʼa na!

⁴⁰Tsa lee Jesús mlet, ne mnabee Jesús ngwaxii zha syeg. Ne leettsa mzin syeg lo Jesús. Tsa mnaabdiz Jesús lo syeg:

⁴¹―¿Kwan nlaaza tsowʼn loʼa? Tsa lee syeg mkab ne nzhab: ―Zha Nabee, nlazʼn yeni ngutlon.

⁴²Lee Jesús nzhab lo zha: ―Tak yeni ngutloʼa, tak ngwalaaza na.

⁴³Ne oraaka lee lo zha mzhaal, ne mndeke zha dits Jesús ne mbil zha lo Diox. Ne reta zha kuu mwii kuu ngok, noga re zhaʼa mbil lo Diox.