Luka 18:37-43

³⁷Ona xəbər verdilər: «Nazaretli İsa buradan keçir».

³⁸Onda o qışqırdı: «Ey Davud Oğlu İsa! Mənə rəhm elə!»

³⁹Qabaqda gedənlər ona qadağan edib susdurmaq istəsələr də, o «Ey Davud Oğlu! Mənə rəhm elə!» deyə daha ucadan bağırdı.

⁴⁰İsa dayanıb əmr etdi ki, onu yanına gətirsinlər. Adam yaxınlaşarkən İsa ondan soruşdu:

⁴¹«Nə istəyirsən, sənin üçün edim?» O dedi: «Ya Rəbb, gözlərim açılsın».

⁴²İsa ona dedi: «Qoy gözlərin açılsın, imanın səni xilas etdi».

⁴³Həmin an bu adamın gözləri açıldı və o, Allahı izzətləndirərək İsanın ardınca getdi. Bunu görən bütün xalq Allaha həmdlər etdi.