Lukas 18:37-43

³⁷“A te magtalib na i Hesusen nga taga Nasaret,” kunda hapa tentu.

³⁸A gafu ta kumanen a nagayayag na hapa ya nagdaramen, “Ay, Hesus, Simsima ni mina Dabid, ikallak nak haen, Afu,” pakakin.

³⁹Ammi nehuya na kadwan kiden tolay petta awena mina magsitang, ammi nepasikan na para ya iayag na, “Ay, Simsima ni mina Dabid, ikallak nak haen, Afu,” kunna.

⁴⁰A nagtayuk na hapa i Hesus, a pinaayagan na ya nagdaramen. Datang na ta atubang na a

⁴¹“Anu hapa ya pakkwam teyak?” kunna tentu. “Ay, Afu, ipaitak teko ya awekin pakaita,” kunna hapa.

⁴²“Ara on, makaita kan mantu, te nagmappya kan gafu ta pangikatalak mu teyak,” kun ni Hesus tentu.

⁴³A yen hapa ya nepakaita na, a dumagdag na hapa teg Hesus ta dalan nga nagdaydayaw ta Namaratu. A nehulun hapa nagdayaw ya ngamin kiden nakaita ta tarabaku ni Hesus.