37Ha: —Kõmẽn Nãyane yõg Yeyox te putat ha' nũn. Kaxĩy.
38Ha tik pa hok te' xãnãhã', hu: —Yeyox, 'ãmũn yã mõnãyxop hittap Namix hã 'ãmõkputox, 'ũg 'ũm kuxa ka'. Kaxĩy.
39Ha tikmũ'ũn nõy te' keppa' pip, tu: —Puxi', 'ãyĩy hok. Kaxĩy. Pa' yĩy nõy ka'ok, hu: —'Ãmũn yã mõnãyxop hittap Namix hã 'ãmõkputox. 'Ũg 'ũm kuxa ka'. Kaxĩy.
40Ha Yeyox tu tu' hup, tu' xat, pu nũnnã', hu nũnnãhã', ha' yĩka' xip, ha Yeyox te:
41—Xatep-tek putup 'ãte xa' mĩy? Kaxĩy. Ha: —Notot, 'Ãte hãm 'ũm pẽnãp-tup. Kaxĩy.
42Ha Yeyox te: —'Ãpu, hãmpẽnã'. 'Ãkuxa yũm ka'ok 'ũgkopah, yĩy Topa te 'ãpa maxnãhã'. Kaxĩy.
43Hãpxip 'ohnãg 'ĩhã hãmpenã max, tu' kuxa hittup xexkah, tu Topa max 'ãktux, xix Topa ka'ok 'ãktux, ha tikmũ'ũn te' pẽnãhã', hu Topa max 'ãktux kamah.
Nok 18
Nok 18:37-43