Ducasën Dada uaid 18:37-43

³⁷Adoaquien choquid abentsëc: —Nasaded yacnoësh choquid Esus cuenec nec —quepanëdash.

³⁸Adsho tantiashun bëshuaidën: —Dabid, tsusedpan mado mibi icquin ëbi tantiaquin nata —capanëdash Esus cuënquin.

³⁹Adshobien: —Adec cuëdenquio yec tsad —capanëdash choquidon. Adoaquien bëdiactsëc cuëmboedëmbi comapenquien: —Tsusedpa Dabidën mado mibi icquin ëbi tantiaquin nashunta —caoapanëdash bëshuaidën.

⁴⁰Adoac nidtuidshun Esusën: —Aidi bec cho —cac abi yacno bësho isun:

⁴¹—¿Atotsimbi mibi nashumpeba? —capanëdash Esusën bëshuaid chuiquin. Adoaquien: —Bëshuaid nebique. Ëbi bëucshune, Icbo —capanëdash.

⁴²Adoaquien: —Mimbi tantiacpadomboen padpidemboen is —cac

⁴³badedquio isbenshun bëshuacboedën Esus tsibanquimbi Nuquin Papan naid chuibanquin isbanec onquec nidpanëdash. Aid bëdansho isun Esusbëd nidanequidotedishuntsen Nuquin Papan naid chuibededpanëdash.