San Lucas 18:37-43

³⁷Ahe evocoiyase, “Jesús, Nazaret pendar, ocuara co rupi” ehi yuvɨreco chupe.

³⁸Evocoiyase ahe güendapeve oñehe pĩrata: —¡Jesús, David suindar, che paraɨsuerecomi tẽi eve! —ehi chupe.

³⁹Evocoiyase ava tenonde oguata vahe oyaca-yacaño, “Quiriri” ehi yuvɨreco chupe. Ahe rumo, —¡David suindar, che paraɨsuerecomi tẽi eve! —ehi pĩrataño ité chupe.

⁴⁰Evocoiyase Jesús opɨtase aheve, oyocuai ava seru ãgua. Ovɨrovɨse seru yuvɨreco, aipo ehi ndasesapɨsoi vahe upe:

⁴¹—¿Mbahe vo ereipota ayapo vaherã ndeu? —ehi. —Che Yar, che mbosarecomi tẽira eve viña —ehi chupe.

⁴²—¡Esareco, erecuera niha! Esepia, ereyeroya ité che rese —ehi chupe.

⁴³Ahe ramoseve ndasesapɨsoi vahe, osareco tuprɨ ité; osoño ité Jesús rupi imboeteisave. Opacatu ava osepia vahe avei omboetei Tũpa yuvɨreco.