Lok 18:37-43

³⁷Ki inagani8i dac: “Jesos, Nazaret ka odjidj, pimi ija ooma.”

³⁸Ki madji pabibagi dac: “Jesos! Ogima David odanike ojisan! Kidimagenimicin!”

³⁹Igi8e dac ka nigani8adj ogi kaganona8abanin, acitc ogi ina8an kidji ponimondjin. Na8adj dac kiabadj ki kiji8egoban e pabibagidj: “Ogima David odanike ojisan! Kidimagenimicin!”

⁴⁰Jesos dac ki kibitcigaba8i, acitc ki ikido: “Pidji8ijik aa.” Apitc dac ka pec8abamigodjin, Jesos ogi k8ag8edjiman:

⁴¹“8egonen eji nda8endaman kidji todaonan?” Aa nabe ki ikido: “Tebendjigean! Kipagosenimin kidji kigeijian kidji gi koki 8abian.”

⁴²Jesos dac ogi inan: “Mi iji 8abin. Kiteb8etamo8in kigi kigeigon.”

⁴³Teci8ag dac ogi kackitonagoban kidji 8abidj, acitc ogi nosone8an Jesosan, e icpenimadjin Kije Manidon. Apitc dac kakina a8iagog ka 8abadamo8adj adi eji8ebanig, ke8ina8a ogi icpenima8an Kije Manidon.