Lucas 18:37-43

³⁷«Jesús, Nazaret so l̈i tekdo shäng» l̈ëba ba kong.

³⁸Kuya ga tjl̈ẽ ba kong dbo go ga «¡Jesús, David tjëyo, tja songe l̈ozong!» l̈e.

³⁹Kuya nopga jëk l̈öng Jesús bäm go l̈irë ga tjl̈ẽ ba kong ga «Pja kjinkozong» l̈e ba kong, gueniyo kjinkë l̇l̇ëme. Tjl̈ẽno dbo go jek obi, tjl̈ẽ ga «¡David tjëyo, tja songe l̈ozong!» l̈e.

⁴⁰Eni ga Jesús kojongö shäng ga tjl̈ẽ l̈öng l̈i kong ga «Tek sözĩ bor shwoy» l̈e, ga söra l̈ok jek ba shwoy. Eshko ga tjl̈ẽ ba kong ga

⁴¹«¿L̇l̇ëye woydëp ga shäryër bop kong?» «Tjl̈apga, tja kjok ĩk woydë» l̈e ba kong.

⁴²Kuya ga tjl̈ẽ ba kong ga «Kjok ĩs jek obi. Pja mär bor go kuzong ga pja poptonoe» l̈e.

⁴³Jekdo eshko ga beno shäng kjok ĩgö wẽl̈ë, ga to jek shäng Jesús tjok Sbö poshrëk. Ĩya nopga l̈öng eshko l̈irë ga beno l̈öng Sbö poshrëk bakoe.