Luk 18:37-43

³⁷Una embe dji, dumo Nasaret iwa Jisas ge wo pundo we dji.

³⁸Djimaka une yau to embe dji, Jisas, iwa Depit wariye wonden ge, ni na wandill golo awe! dji.

³⁹Una wekle pi una kandja awo embe dji, ni kandja kere! dji. Ba une yau kermanke to embe dji, Jisas, iwa Depit wariye wonden ge ni na wandill golo awe! dji.

⁴⁰Djika Jisas aglo molo embe dji, ye djineke une ge wondabe! dji. Une manda woika

⁴¹Jisas embe dji, na ni namba mal ye auno dje pren ne? dji. Nale emill yei iwa ge embe dji, Iwa Kerman, na nalena alla au djinda kannoba dji.

⁴²Jisas embe dji, kune, ni pillgi djin pille, ni nalen alla au djinda kanben we dji.

⁴³Kandja embe djika une nale al ola dje au djika, une God kandjiye amblo pla worika, Jisas boll aike er pupill. Una porapora moi ge kane God kandjiye amblo pla woro awi.