Lucas 18:37-43

³⁷Jatsi, —Tarabihi quiha Jesu, naa Nazarét conish cato —i ja qui nohiria bo niquë.

³⁸Jatsi Jesu quënatsijahuaniquë: —Ea shinahuë, David yamabá Baquë —iquiina.

³⁹Jatsi, —Pasihuë. Pasihuë —i ja qui rëquë ca nohiria bo niquë. Japi oquë tsi ja quënatëquëniquë: —Ea shinahuë, David Baquë —iquiina.

⁴⁰Jatsi Jesu niiniquë. Niihax, —Nëri toa joni bëcana —i ja niquë. Jatsi joni joniquë.

⁴¹—¿Jahuë ó quëëhai? ¿Jënahuaxëhi ni ëa mi bax na? —i ja qui Jesu niquë. Jatsi, —Taiscasquia, Ibobá —i joni niquë.

⁴²—Taishuë. E qui mi chitimihai cató tsi mi jënimahuahacaquë ra —i ja qui Jesu niquë.

⁴³Jatsi taisritsijaniquë ra. Taisxo tsi quiha banahuatsijahuaniquë, Dios qui “Gracias” iquiina. Jatsi jia tsi nohiria bá Dios ocahuaniquë, jënima ja iqui jisish na.