San Lucas 18:37-43

³⁷Niptinmi: “Nazaret-lädu Jesusmi pasayan” nila.

³⁸Uyalilcul-pacham ayaycaćhacuyan: “¡Mandacü Davidpa Caśhtan Caćhamuśhan Salbacü, Jesuslláy! ¡Llaquipaycallämay-ari!” nil.

³⁹Chaynu ayaycaćhacayämuptinmi waquin puntanpa pasäcunaca: “¡Upälla!” nil mićhacapäcula. Jinaptinpis mastalämi ayaycaćhacayämun: “¡Mandacü Davidpa Caśhtan Caćhamuśhan Salbacüní! ¡Llaquipaycallämay-ari!” nil.

⁴⁰Chaynu ayamuśhanta uyalilculmi Jesus śhaycuycul puśhachimula. Lädunman ćhächimuptinmi Jesus tapula:

⁴¹“¿Imallactam nilanqui?” nil. Niptinmi: “Taytáy, licaytam munallá” nila.

⁴²Niptinmi: “Licay-ari. Caynu chalapacamäśhayquipam allinyälunqui” nila.

⁴³Chay niycullaptin ñawin quićhacacüluptinmi Diosta alawaśhtin Jesusta atila. Chayćhümi lluy nunacunäpis chayta lical Diosta alawapäcula.