37“नासरथ ङा येसु एको लां पित” देंमा बाक्त।
38मिनु मिक्च मताइबमी “हे येसु, दाऊद आ तौ, शिशी पाइय्यी” दे ब्रेम्माक्त।
39मिनु येसु आ ङोंइती गाक्बपुकीमी “सिक्सी पावो” दे हुइक्तमे बाक्त। आं चहिं वाइ ब्रेश्शा “दाऊद आ तौ, शिशी पाइय्यी” देंमाक्त।
40मिनु येसु ख्रा दिक्शा “मेरे मिक्च मताइब कली एक चाक्कीन” देंमाक्त। मिनु चाक्ग्मेनु
41“इ कली मार पङ? मार पुंइनेवे?” दे हिल्लो पवानु “प्रभु, मिक्च ताइब सेल्यीनी” दे पुना बाक्त।
42मिनु “इ मिक्च साल। इ थमा सुइश्शोमी साते” दे मदा बाक्त।
43मो मदानु, आ मिक्च ब्रा साशा, मिक्च ताइब दुम्शा, येसु आ नोले खोइश्शा, परमप्रभु यावे कली मान पवा बाक्त। मेको कली मिक्च ताइब दुम्शो तशा, मुर नेल्लेमी यो परमप्रभु यावे कली ठेयब सेल्मे बाक्त।