Luk 18:37-43

³⁷Le bi bui u, “Yesu u ye Nasaref aatiŋ aanii na le choo.”

³⁸Le u teen ke, “Yesu, u ye Ubɔr David aayaabil na, san mi kinimbaak.”

³⁹Le binib bi loln Yesu pu nsan na kae u ke u ŋmin. Le u moo tar, “Ubɔr David aayaabil, san mi kinimbaak.”

⁴⁰Le Yesu sil nsan ni, le ki bui bi, “Li joo ni u man.” Waah duun ni u na, le Yesu baa u,

⁴¹“Aa ban ba?” Le u bui u, “Ndindaan, m ban ke aa likr nnimbil le tii mi.”

⁴²Le u bui u, “Aa likr a. Saah gaa mi ki kii na, nima le cha aanimbil likr.”

⁴³Libuul ngbaan ni le unimbil likr, le u dii u, le ki nyuŋni Uwumbɔr. Binib ngbaan mɔmɔk aah kan kina na, le bi pak Uwumbɔr.