Luk 18:37-43

³⁷Eme iri anya, “Jises badu Nasaret asah, edek san ewek eh.”

³⁸Eme ya iy aloh anya, “Jises, ou nadu tubu kabin Debit, ou tikisi jo!”

³⁹Eme oro lau adek an bwena badeh, abolosen i tan ma tiye iy kandru-uk. Arile, bwai, iy aloh ma arah boto-on le gwek anya, “Nadu tubu kabin Debit, ou tikisi jo!”

⁴⁰Eme Jises udu rasi ya tiye iri katiye ndramak doh, keme hawen. Iy eme mirihik badeh, Jises tiye i tan,

⁴¹“Ou aso-ok jo kamekes sasah kewek tam?” Ya eme iy anya, “Laban, jo anya kanyolom kon ja.”

⁴²Eme Jises tiye i tan anya, “Madam kasak, budon handru tam badeh, ndramesekei ou ndramwenen ja.”

⁴³Eme nawin bwe, madan amwenen ma iy anyolom kon ja. Eme ma iy atudun nyara Kindrei, ma iy in hamon ta Jises. Eme iri lau mari anyolom badeh, iri mari atudun nyara Kindrei.