Lukasarini 18:37-43

³⁷Tputssha: Isus naanchpa, Násaretshuchi, mang, tárangiya.

³⁸Wach mchusshacha: Isusoo, istanda, watam shiy Dapiyarinchichshawa, átar ashirangiya; tamundarangiya.

³⁹Tputssha mang nambku, Zamangi; tárangiya. Itaru, wach mchusshita nda sambaytarangiya; kizpur kuk zunganeerangiya, manga. Isusoo, nuwaa istangandama; tárangiya.

⁴⁰Isussha mazinayaru, xiyeeramchu, Yamashini; táyaru, tputssha mang itatarangiya wach mchusaatsi.

⁴¹Kuseeru, Isussha: ¿Mayaamsha nuwaa kuruzuksha? ¿Tamanda átsha? táyaru, wach mchussha; Ichee, kachi yaranda; nappi átana; mang, tárangiya.

⁴²Isussha: Nuwamun mangish taturangush, ashiri napangi; átu,

⁴³uwsha musásiri napta ashirangiya. Wach mchusamunsha Apanllee: Wapparee, Apaa; shiy kizpurtishcha; táta táta ashirangiya. Isusushsha tachitarangiya; wipunasheem mang kinarangiya. Tputssha anoo pakeersin, ichinguru tputs Apanllee ungirtaranganaya, manga. Ashiri yuwaa Isus wach mchusaa yararangu anoo wapparee kamaneena.