Lukas 18:37-43

³⁷Noma maka ha natiana re riwra: “Yesus mak kwatiawu Nasaret de ed mak kwehweti.”

³⁸Noma mak matni kyat de nhaun pa niwra: “Yesus, Daud upni-a'nani ne! Mtiulla-msiayn nan a'g ee!”

³⁹Dewade riy mak kala' ulu Yesus pa rden la mak matni kyat de onni rawenan la riwra: “Hoi! Molmuo'lu!” Mere yeher to'ama narur lia nhiaunu pa niwra: “Daud upni-a'nani nee! Mtiulan-msiayn nan a'g ee!”

⁴⁰Noma Yesus Ntut tiar pua Nakot la riy mak kden hande pa rodia riy mat yat della E'a. La'pa nmai wia, noma Yesus Natiana Niwra:

⁴¹“Hya' ed maka mpuaka mai A'u?” Noma mat yat de nakot la Yesus niwra: “Matrome, awuak de a'umkeka owa'ana!”

⁴²Noma Yesus Nakot la Niwra: “Hademkade de mumkek wa. Yoma ompuesiay A'u pede mkialwied wa!”

⁴³La'a mtatande nekpa matni re raphyar wia, noma riy de nlernohora Yesus. Nalala' reri de na'uli-nawedia Uplerlawna. La'pa rirahu ramkeka hihi'a-yapyap die dewade honona wal pia ra'uli-rawedia Uplerlawna la genni-tienni.