Luka 18:37-43

³⁷Ma hi paliweleya hi pa, ‘Yesu Nasaletagei i nei po e nenae.’

³⁸Ma tauna i otu i pa, ‘Yesu Dawita gogana, hilaki uta lunugotootogogeu!’

³⁹Ma iyawoi bolu u naohi hi lahaya ma hi paliyeya hi pa, ‘Hei, una genuwana.’ Tamogi tauna i otu labatana i pa, ‘Dawita gogana, hilaki uta lunugotootogogeu!’

⁴⁰Ega yaka Yesu i tutowolo ma i baha po ipa tu matakekena hina neiyai ugolina. Hougana i nei po u liyaliyana ma Yesu i lubayadeya i pa,

⁴¹‘Am luhogala ipa bimgei a dewaya?’ Ma tauna i pa, ‘Guyau, u luhogala ipa matau hina dewadewa.’

⁴²Ma Yesu ugolina i baha i pa, ‘Una galena meme. Am witumagana i luyawahim.’

⁴³Mala emosi ma matana i galeneya po Yaubada i maamali ma Yesu i wotagoya po hi nae. Ma lawa atapuhi geka dewana hi gagaleya po Yaubada hi wotalagiyeya.