Lukas 18:37-43

³⁷Lakea e huriki ri takia ri ta maea, “E Isu o Nasaret i laho polo ngane.”

³⁸Lakea i gale tala, i ta maea, “Isu, Tune Davit, o dodo iau!”

³⁹E huriki ri laho muga ri tahatea, ri takia ge vulai. Pali i gale hateka tabu, i ta maea, “O Tune Davit, o dodo iau!”

⁴⁰Lakea e Isu i pesi tata, i taki e huriki ri gi tuli vilia vona a bakovi iea. Na tahuna i valai tabukoi, e Isu i nanea,

⁴¹“A ra o ngarua ga ratea?” I koli i ta maea, “Bakovi Dagi, a ngaru ni matapara.”

⁴²Lakea e Isu i takia, “O matapara. O tavaga ngane, a vuhuna o luhoi tora iau.”

⁴³I malaviriri kunana i matapara, i muri ne Isu i kavurikea a Vure. Na tahuna e huriki a bakovi a ngatavine ri masia a kepa iea i matapara, ria ranga ri kavurikea a Vure.