37Ñu wax ko ne: «Yeesum Nasaret moo fay jaar.»
38Noonu mu yuuxu ne: «Yeesu, Sëtu Daawuda, yërëm ma!»
39Ñi jiitu woon gëdd ko, ngir mu noppi. Waaye muy gëna yuuxu naan: «Sëtu Daawuda, yërëm ma!»
40Noonu Yeesu taxaw, santaane ñu indil ko ko. Bi mu jegesee, Yeesu laaj ko ne:
41«Loo bëggoon ma defal la ko?» Mu ne ko: «Sang bi, damaa bëgga gis.»
42Noonu Yeesu ne ko: «Na say bët gis! Sa ngëm faj na la.»
43Ca saa sa mu daldi gis. Noonu mu topp ci Yeesu, di màggal Yàlla. Mbooloo mépp gis loolu, di sant Yàlla.