IOBU 32

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Taunabunai unu tatau tatoiosi ese Iobu ihaere-henina e hadokoa, badina be ia na sibona maorona e gwaurai.

²Bena Elihu Barakele, tau Busu, Ram iduhuna tauna, na e badu. Ia ese Iobu e badu henia, badina be ia sibona maorona e gwaurai, a Dirava maorona se gwaurai.

³Ia ese danu Iobu turana tatoiosi e badu henidia, badina ena be Iobu na kererena e gwaurai to haere ta asie laloa davari.

⁴Elihu na Iobu ihaere-henina ai e halahe, badina be idia na ereguna, a ia na eregabe.

⁵A Elihu ese unu tatau tatoiosi e itadia, ududia ai na asi edia haere herevana ta; bena ia na e badu.

⁶Bena Elihu Barakele, tau Busu, e hereva, eto: Lau na eregabe, a umui na ereguna. Una dainai kudougu e hetaha, bona egu lalo-hadai emui ai baina gwaurai hedinarai na na gari.

⁷Nato “Dina momo bae hereva, bona laḡani momo ese aonega bae hahedibalai”.

⁸A ḡau be tau ta laumana, Siahu-idoinai Diravana laḡana ia lalonai, ese ia lalona e hapararaiamu.

⁹Aonega na dia ereguna taudia ediai, bona tatau burukadia na hereva maoromaorodia asi dibadia.

¹⁰Taunabunai lau na tomamu: A hakala henigu; lau danu egu lalo-hadai mani aina gwauraia hedinarai.

¹¹A itaia, emui hereva na naridia; na hakala, emui aonega herevadia baina kamonai nato, ba gwaurai herevadia o tahudiava negana ai.

¹²Na hakala henimui, bena na itaia, umui ta ese Iobu ena hereva se lao ahu, eiava ena hereva se haere henidia.

¹³Metaira ba hereva, baoto: Ai na aonega vada a davaria; Dirava ese baine hadarerea, dia taunimanima ese.

¹⁴Iena hereva matadia na dia lauegu ai, bona umui emui hereva amo basina haere henia.

¹⁵Idia na e hemaraimu, asie haeremu; asi edia hereva ta.

¹⁶Idia asie herevamu, e ginimu asi edia haere, una dainai lau do baina henari a?

¹⁷Lau danu baina haere; lau danu egu lalo-hadai baina gwauraia;

¹⁸badina be lau na hereva ai na honumu, bona lalogu ese e haduagumu.

¹⁹A itaia, lalogu na vine ranuna asi ena lasi dalana na heto, eiava kopi matamatadia kahira-kahira be poumu na heto.

²⁰Do baina hereva, bena lalogu baine keru; bibinagu baina hapapaia, baina haere.

²¹Lau na taunimanima ta enai basina tao, eiava tau ta basina hanamoa koikoi;

²²badina be hahenamo koikoi daladia na asi dibagu. Unu bama kara toma, ikaragu Diravana ese bema hamasegu haraḡa.