ESEKIEL 15

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Iehova ena hereva na egu ai e kau, eto,

²Taunimanima natuna e, vine auna ese au haida ede e hereadia tomamu; vine rigina ese uda audia rigidia ede e hereadia tomamu?

³Ḡau ta ikaralaina auna na iena amo e abiamu a? Iena amo ikoko ta e karaiamu bena una ikoko ai ḡau ta e taua daemu a?

⁴A itaia, lahi auna ai e halaoamu; bena lahi ese duduna duduna e aradia oremu bona bogaragina na gida ai e laomu murinai ia na mai ena ḡaukara a?

⁵A itaia, au tutuana miana ai na asi ena ḡaukara; matona lahi ese vada e araia bona gida ai vada ela negana ai ena ḡaukara be dahaka?

⁶Taunabunai, Ḡaubada Iehova na ini e gwau tomamu: Uda audia bogaragidiai vine auna na lahi auna ai vada e halaoa heḡereḡerena ai, Ierusalem inoholaina taudia na unu baina kara henidia toma.

⁷Lau ese vairagu na ediai baina ha-aukaia; ena be lahi amo bae roho mauri, to lahi ese do baine aradia ore; bena lau ese vairagu na ediai baina ha-aukaia negana ai na ba diba lau na Iehova.

⁸Tano danu baina havahua, badina be e kara hebeatai. Ḡaubada Iehova na e herevamu.