ESEKIEL 6

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Iehova ena hereva na egu ai e kau, eto

²Taunimanima natuna e, Israel ororodia ba raraidia tao, latadiai ba peroveta,

³baoto, Israel ororodia e, Ḡaubada Iehova ena hereva a kamonai! Ḡaubada Iehova ese ororo badadia bona maraḡidia, koura dobudobudia bona koura-koura na ini e gwau henidia tomamu: A itaia, lau ese dare na latamui ai baina hadihoa, bona emui atai gabudia helaḡadia baina habuadia tari.

⁴Emui ihaboulaina patadia bae vahu, emui muramura mai bonadia patadia bae heḡiḡi dobi, emui mase taudia na emui kaivakuku vairadiai baina tahodia dobi.

⁵Israel taudia na masedia ai baina hahekidadia diho, edia kaivakuku vairadiai; bona turiamui baina ḡiḡidia rohoroho, emui ihaboulaina patadia hegegemadai ai.

⁶Emui noho gabudia iboudiai lalodiai emui hanua bae vahu bona emui atai gabudia helaḡadia bae heḡiḡi dobi; emui ih-aboulaina paladia bae vahu bona bae heḡiḡi dobi; emui kaivakuku bae makohi bona bae hebua tari; emui muramura mai bonadia patadia bae heḡiḡi dobi bona emui ḡaukara anidia bae boio.

⁷E aladiamu taudia na bogaragimui ai bae hekida diho; bena ba diba lau na Iehova.

⁸A umui haida na maurimui ai baina rakatanimui. Dare amo bae roho mauri taudia haida na bese idau-idau bogaragidiai bae noho, bona tano idau-idau ai ba karoho rohoroho negana ai,

⁹umui roho-mauri taumui hahidaosi ese lau ba lalogu tao, iguimui ai bae laohaimui besedia bogaragidiai. Bona mai lebulebudia ida vada e rakatanigu taudia na lalodia baina gugubadia, bona mai lebulebudia ida edia kaivakuku e gavadiamu taudia na matadia baina hakepuludia negana ai, idia na sibodia bae hedadarai, edia kara havara bona edia kara dika-rohorohodia iboudiai daidiai.

¹⁰Bena idia na bae diba lau na Iehova; ini baina karadia toma nato negana ai na asina hereva kava.

¹¹Ḡaubada Iehova na ini e gwau tomamu: Imamui ba pata bona aemui ba pana dagu, baoto, Madi ihabaida! Israel besena ena kara dika-rohorohodia iboudiai daidiai; badina be dare bona doe bona dai-hanai gorerena amo bae mase.

¹²Gabu daudau ai e nohomu tauna na dai-hanai gorerena amo baine mase; bona gabu kahikahina ai e nohomu tauna na dare amo baine mase; bona do noho maurina tauna na doe amo baine mase. Unuhetomana egu badu-ḡaraḡara baina ha-orea idia latadiai.

¹³Bena edia mase taudia na edia kaivakuku bogaragidiai bae hekida diho, edia ihaboulaina patadia hegeḡemadai ai, bona ororo latalatadia iboudiai latadiai, bona ororo badadia iboudiai doridia ai, bona au mauridia iboudiai bona oak audia urumo-urumodia iboudiai henudiai, muramura mai bonadia edia kaivakuku e gabu henidia gabudia iboudiai lalodiai; una negana ai ba diba, lau na Iehova.

¹⁴Lau ese imagu baina toia roro, idia ihadikadia totona, tano baina habuaia tari bona baina havahua, edia noho gabudia iboudiai lalodiai, tano ḡaḡaena amo ela bona Ribla. Bena bae diba lau na Iehova.