ESEKIEL 25

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Iehova ena hereva na egu ai e kau, eto,

²Taunimanima natuna e, talaimu na Amono taudia ba henidia, bona idia latadiai ba peroveta.

³Amono taudia ba hamaorodia, baoto, Ḡaubada Iehova ena hereva ba kamonai. Ḡaubada Iehova na ini e gwau tomamu: Badina be umui oto “Aha” egu gabu helaḡana latanai, bona Israel tanona latanai, e havahua negana ai, bona Iuda besena latanai, dauhai e hanohoa negana ai;

⁴una dainai lau ese mairiveina kahana taudia imadia ai na atomuimu, idia ese edia ai bae halaomui, bona bogaragimui ai bae taruha bona bae noho; idia ese emui au-huahua bae ani bona emui rata bae inu.

⁵Raba na kamelo edia rei gabuna ai baina halaoa, bona Amono taudia edia hanua na mamoe seridia edia maḡu ai baina halaodia. Bena ba diba, lau na Iehova.

⁶Badina be Ḡaubada Iehova na ini e gwau tomamu: Badina be imamui vada o tutu bona aemui vada o pana, bona emui badu lalonai Israel tanona ihadikana o moalelaia,

⁷una dainai, a itaia, imagu na vada na toia roro, umui ihadikamui, bona bese idau-idau imadia ai baina atomui, edia ai bae halaomui; bena bese idau-idau edia amo baina negemui daure, bona tano idau-idau lalodia amo baina hamasemui, baina habuamui tari. Bena ba diba, lau na Iehova.

⁸Ḡaubada Iehova na ini e gwau tomamu: Badina be Moab eto “A itaia, Iuda besena na bese idau-idau iboudiai heḡereḡeredia”,

⁹una dainai lau ese Moab igimana na kaha ta amo baina abia oho, ena tano hetoana hanuadia amo baina abia oho; unu na tano hairaina, Bet-iesimoto, Baal-meono, Kiriataimi.

¹⁰Una tano, Amono taudia ida, na mairiveina kahana taudia baina henidia, edia ai bae halaoa, bena bese idau-idau bogaragidiai ta ese basine laloa tao lou;

¹¹bona Moab na baina hahemaoro henia. Bena idia na bae diba lau na Iehova.

¹²Ḡaubada Iehova na ini e gwau tomamu: Badina be Edom ese Iuda besena taudia edia daḡedaḡe e hadava henidia, bona e kerere dikadika idia ihadava-henidia ai,

¹³una dainai Ḡaubada Iehova na ini e gwau tomamu: Lau ese imagu na baina toia roro, Edom ihadikana, taunimanima bona ubu-ubu ḡaudia na iena amo baina negedia daure. Baina havahua; bena Teman amo ela bona Dedan idia na dare ai bae mase.

¹⁴Egu hahedava-heni na Edom latanai baina atoa kau, egu bese Israel taudia imadia ai; Edom ai bae ḡaukara, egu badu bona egu badu-ḡaraḡara heḡereḡeredia ai; bona egu hahedava-heni bae diba. Ḡaubada Iehova na e herevamu.

¹⁵Ḡaubada Iehova na ini e gwau tomamu: Badina be Filistia taudia na e hahedava heni, bona edia badu ai hahedava-heni karadia e kara, miahanaihanai heinai-hehenina ai bae hahebua tari totona;

¹⁶una dinai Ḡaubada Iehova na ini e gwau tomamu: A itaia, lau ese imagu na baina toia roro Filistia taudia ihadikadia, bona Kerete taudia baina negedia daure, bona kone kahana orena na baina habuaia tari.

¹⁷Lau ese hahedava-heni badana baina karaia idia latadiai; mai badugu ida davadia baina henidia. Bena egu hahedava-heni na latadiai baina atoa negana ai, idia na bae diba lau na Iehova.