Esekiɛli 18

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Yinni Gusunɔ u geruɑ u nɛɛ,

²Esekiɛli, mbɑn sɔ̃nɑ Isirelibɑ bɑ rɑ mɔn teni ko bu nɛɛ, bɑɑbɑbɑ bɑ resɛm birenu di, mɑ ben bibun nɔsu yɑɑyɑ.

³Adɑmɑ nɛ, Yinni Gusunɔ, nɑ bɛɛ sɔ̃ɔmɔ mɑ sere kɑ nɛn wɑ̃ɑru, i ǹ mɑɑ mɔn teni gerumɔ Isireliɔ.

⁴Geemɑ, nɛnɑ nɑ bɑɑwuren wɑ̃ɑru nɛni, bɑɑbɑ kɑ bii. Yen sɔ̃, wi u torɑ wiyɑ u koo gbi.

⁵Su tɛ̃ nɛɛ, goo u wɑ̃ɑ u geɑ mɔ̀, win dɑɑ yɑ wɑ̃.

⁶U ku rɑ de gungunɔ u bũu sɑ̃. U ku rɑ mɑɑ bũu yɑ̃kunu di. U ku rɑ kɑ goon kurɔ mɛnnɛ. Mɛyɑ u ku rɑ mɑɑ kɑ tɔn kurɔ mɛnnɛ sɑnɑm mɛ u yɑsɑ mɔ̀.

⁷U ku rɑ goo gbɛni. U ku rɑ mɑɑ goo sɔmburu koosie kɑm. U rɑ wi u win dibu nɛni win tɔrubɑ wesie. U rɑ wi gɔ̃ɔrɑ mɔ̀ dĩɑnu wɛ̃. Kpɑ u wi u tereru sĩimɔ yɑ̃nu wɛ̃.

⁸U ku rɑ tɔnu gobi bɔkure u nim doke. U ku rɑ n mɑɑ wɑ̃ɑ weesun swɑɑ sɔɔ. U rɑ siriwɑ dee dee, u bɑɑwure nùn win gem wɛ̃.

⁹U rɑ nɛn woodɑbɑ mɛm nɔɔwɛ mɑm mɑm. Tɔnu win bweserɑ nɛ, Yinni Gusunɔ nɑ rɑ soku gemgii. Win wɑ̃ɑrɑ tɑ koo dɑkɑɑ dɑ.

¹⁰Su mɑɑ tɛ̃ nɛɛ, durɔ wi, u bii mɔ wi u rɑ tɔmbu wɔri u go, u ben yɑ̃nu gurɑ, ǹ kun mɛ u rɑ dɑɑ kɔ̃sɑ gɑɑ ko.

¹¹N deemɑ win bɑɑbɑ ku rɑ yen bweseru ko. Bii wi, u rɑ bũu yɑ̃kuru de gungunɔ. U rɑ kɑ gɑbun kurɔbu mɛnnɛ.

¹²U rɑ bwɛ̃ɛbwɛ̃ɛ sɔmburu koosie kɑm. U rɑ tɔmbu gbɛni. U ku rɑ be u tɔrubɑ mwɑɑri ye wesie. U rɑ bũnu sɑ̃, kpɑ u n kom bɛrɛtɛkɛ mɔ̀.

¹³U rɑ tɔmbu gobi bɔkure u nim doke. N weenɛ tɔnu win bweseru u n wɑ̃ɑ? Aɑwo, u koo gbiwɑ. Domi u dɑɑ kɔ̃sɑ kuɑ. Win yɛm mu koo wɔriwɑ win tii sɔɔ.

¹⁴Su tɛ̃ nɛɛ, bii wi, u seewɑ u mɑrɑ. Mɑ win bii u seewɑ u win tundon torɑnu kpuro wɑ. Adɑmɑ u ǹ win tundon yirɑ ye swĩi.

¹⁵U ku rɑ bũu yɑ̃kunu de gungunɔ. U ku rɑ bũnu sɑ̃ ni Isirelibɑ bɑ sɑ̃ɑmɔ. U ku rɑ kɑ goon kurɔ mɛnnɛ.

¹⁶U ku rɑ goo sɔmburu koosie kɑm. U ku rɑ be bɑ win dibu nɛni tɔrubɑ mwɑɑri. U ku rɑ gbɛni. U rɑ wi gɔ̃ɔrɑ mɔ̀ dĩɑnu wɛ̃. Kpɑ u wi u tereru sĩimɔ yɑ̃nu wɛ̃.

¹⁷U ku rɑ n wɑ̃ɑ weesun swɑɑ sɔɔ. U ku rɑ tɔnu gobi bɔkure u nim doke. U rɑ nɛn woodɑbɑ mɛm nɔɔwɛ. Bii wi, u ǹ gbimɔ win tundon torɑnun sɔ̃. U ko n wɑ̃ɑwɑ kɑ gem.

¹⁸Adɑmɑ tundo wiyɑ u koo gbi win torɑnun sɔ̃ domi u tɔmbu tɔ̃yɑ kuɑ u gbɛnɑ.

¹⁹I bikiɑmɔ i mɔ̀, mbɑn sɔ̃nɑ bii kun win tundon durum ɑre sɔɔmɔ. Geemɑ, bii kun ye sɔɔmɔ yèn sɔ̃ u geɑ kuɑ. Mɑ u sĩɑ dee dee nɛn yirɑ sɔɔ, u nɛn woodɑbɑ mɛm nɔɔwɑ mɑm mɑm. Yen sɔ̃nɑ u ko n wɑ̃ɑ.

²⁰Wi u torɑ, wiyɑ u koo gbi. Bibu bɑ ǹ ben bɑɑbɑbɑn torɑnun ɑre sɔɔmɔ. Mɛyɑ bɑɑbɑbɑ bɑ ǹ mɑɑ ben bibun torɑnun ɑre sɔɔmɔ. Kon gemgii nùn win ɑre wɛ̃ yèn sɔ̃ u kom gem kuɑ. Kpɑ n mɑɑ tɔn kɔ̃so sɛɛyɑsiɑ yèn sɔ̃ u kɔ̃sɑ kuɑ.

²¹Tɔn kɔ̃so ù n win dɑɑ kɔ̃sɑ deri, mɑ u gem swĩi nge mɛ nɛn woodɑ yɑ geruɑ kpuro, u ǹ mɑɑ gbimɔ.

²²Kon win torɑnu kpuro duɑri, kpɑ n de u n wɑ̃ɑ geɑ ye u mɔ̀n sɔ̃.

²³I tɑmɑɑ nɛ, Yinni Gusunɔ nɑ kĩ tɔn kɔ̃so u gbi? Aɑwo. Ye nɑ kĩ, yerɑ u gɔ̃ru gɔsiɑ kpɑ u n wɑ̃ɑ.

²⁴Adɑmɑ wi u gem deri, mɑ u dɑɑ kɔ̃sɑ mɔ̀ nge tɔn kɔ̃so, i tɑmɑɑ u ko n wɑ̃ɑ? Aɑwo. Kon win yellun dɑɑ geɑ ye duɑriwɑ kpɑ n de u gbi win dɑɑ kɔ̃sɑ kɑ win mɛm nɔɔ sɑrirun sɔ̃.

²⁵Bɛɛ Isirelibɑ, i mɔ̀, nɛn gere ye, yɑ ǹ sɑ̃ɑ dee dee. I swɑɑ dɑkio i nɔ. Nɛn gerewɑ yɑ ǹ sɑ̃ɑ dee dee? Nge bɛɛyɑ i sɑkɑ sɑrɑmɔ.

²⁶Gemgii ù n geɑ deri, mɑ u kɔ̃sɑ mɔ̀, u koo gbiwɑ kɔ̃sɑ yen sɔ̃.

²⁷Tɔn kɔ̃so ù n mɑɑ win dɑɑ kɔ̃sɑ deri, mɑ u dɑɑ geɑ mɔ̀, u win wɑ̃ɑru wɔrɑmɔwɑ.

²⁸U ko n wɑ̃ɑ, domi u giɑ mɑ kɔ̃sɑ u rɑɑ mɔ̀, mɑ u ye deri. Ǹ n mɛn nɑ, u ǹ mɑɑ gbimɔ.

²⁹Bɛɛ Isirelibɑ i mɔ̀, nɛn gere yɑ ǹ sɑ̃ɑ dee dee. Adɑmɑ n ǹ mɛ, bɛɛyɑ i sɑkɑ sɑrɑmɔ.

³⁰Yen sɔ̃, kon bɑɑwure siriwɑ nge mɛ win dɑɑ yɑ sɑ̃ɑ. Ǹ n mɛn nɑ, i bɛɛn dɑɑ kɔsio i kɔ̃sɑ deri. I ku de bɛɛn dɑɑ kɔ̃sɑ yu bɛɛ kɑm koosiɑ.

³¹I bɛɛn dɑɑ kɔ̃sɑ derio kpɑ i bɛɛn gɔ̃run bwisikunu gɔsiɑ. Mbɑn sɔ̃nɑ i ko i tii go.

³²I yɛ̃ mɑ nɛ, Yinni Gusunɔ, nɑ ǹ goon gɔɔ kĩ. Ǹ n mɛn nɑ, i gɔ̃ru gɔsio kpɑ i wɑ i n wɑ̃ɑ.