Esekiɛli 2

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹U nɛɛ, tɔnun bii, ɑ seewo ɑ yɔ̃rɑ, kpɑ n nun gɑri sɔ̃.

²Sɑnɑm mɛ u kɑ nùn gɑri yi mɔ̀, yerɑ Yinni Gusunɔn Hunde u nùn yɔɔwɑ mɑ u nùn yɔ̃rɑsiɑ. Mɑ u yɛ̃ro swɑɑ dɑki wi u kɑ nùn gɑri mɔ̀ mi.

³U nɛɛ, tɔnun bii, nɑ nun gɔriɔ Isirelibɑn mi, be bɑ mɑn seesimɔ. Wee be, kɑ ben bɑɑbɑbɑ bɑ mɑn torɑ sere kɑ gisɔ.

⁴Tɔn be, bɑ swɑɑ tɑu, bɑ mɑɑ gɔ̃ru bɔɔbu. Ben miyɑ nɑ nun gɔriɔ kpɑ ɑ bu sɔ̃ ɑ nɛɛ, ɑmɛniwɑ nɛ, Yinni Gusunɔ nɑ geruɑ.

⁵Nɑ nɛɛ, wee bɑ sɑ̃ɑ mɛm nɔɔ sɑribɑ. Bɑ nun swɑɑ dɑki? Bɑ ǹ nun swɑɑ dɑki? Kɑ mɛ, bɑ koo giɑ mɑ Gusunɔn sɔmɔ u wɑ̃ɑ ben suunu sɔɔ.

⁶Wunɛ Esekiɛli, ɑ ku bu nɑsiɑ, ɑ ku mɑɑ ben gɑrin bɛrum ko, bɑɑ mɛ n ko n sɑ̃ɑre ɑ wɑ̃ɑ sɑ̃ki kɑ niin suunu sɔɔ. Domi bɑ sɑ̃ɑwɑ mɛm nɔɔ sɑribɑ.

⁷Bɑ nun swɑɑ dɑki? Bɑ ǹ nun swɑɑ dɑki? A gesi bu sɔ̃ɔwɔ ye nɑ geruɑ, bɑɑ mɛ bɑ sɑ̃ɑ mɛm nɔɔ sɑribɑ.

⁸Adɑmɑ wunɛ, tɔnun bii, ɑ nɔɔwɔ ye kon nun sɔ̃. A ku ko mɛm nɔɔ sɑri nge bwese te. A wunɛn nɔɔ wukio kpɑ ɑ tem ye kon nun wɛ̃.

⁹Sɑɑ yerɑ Esekiɛli u nɔmu gɑgu wɑ gɑ dɛmiɛ win mi giɑ, gɑ tireru nɛni te bɑ kuruɑ.

¹⁰Nɔmu ge, gɑ tire te kusiɑ win wuswɑɑɔ. Bɑ tu yoruɑwɑ berɑ yiru kpuro. Gɑri yi yi yoruɑ tire te sɔɔ, yiyɑ weeweenu kɑ wuri kɑ nuku sɑnkirɑnun gɑri.