Amɔɔsɩ 6

1

2

3

4

5

6

7

8

9

¹Felentunɑɑ mpɑ mɛ ɩ tɔkɩ Siyɔŋ pʋɣʋ nɑ Sɑmɑlii pulɑɣɑ tɔɔ kɛ́ kɑwulɑɣɑ nɑ nɑɑni tɔ, mǝ tɔm wɛ wɑɩyo kɛ́. Mɛɣɛlɛ piitim sɔsɔɔm tɑɑ ɑcɛpɑ nɑ mɛɣɛlɛ Ɩsɛɣɛlɩ nyǝ́mɑ tǝnɑ lɑɣɑtʋ tɑsǝlɑɑ.

²Ɩ́ polo Kɑlǝne nɑ Hɑmɑtɩ ɩcɑtɛ sɔsɔɔlɛ, nɑ Filiisi nyǝ́mɑ tɛɣɛ Kɑtɩ, nɑ ɩ́ nɑ Asilii nyǝ́mɑ tɔɣɔ pɑ tɛtʋ. Ɩ tɑ tɛɛ mpɛ ɩnǝɣɩ pʋlʋ, pɑɑ nɑ pɑ tɛtʋ tɑ hɑŋnɑ mǝ nyǝntʋ tɔ.

³Mǝ lʋkɩ kɛlɛ sɩ mpusi kʋyɑkʋ ɩ́ polo pooluŋ. Sɛsɛ ɩlɛ mǝ mʋsʋŋ tɔŋnɑ-kʋɣʋ yɑɑʋ.

⁴Ɩ́ cɑɣɑ mǝ kpelɑsɩ kʋpɑŋsɩ nsi pɑ tɑɣɑnnɑ tuuŋ kelɑ tɔ sɩ tɔɔ, nɑ ɩ́ nyɑsǝɣɩ heeŋ nɑ nɑwee nim nyǝnɑ nɑntʋ.

⁵Ɩ́ kiisiɣinɑ mǝ cǝmǝŋ sɩ ɩ́ yookɩ yontu. Pǝyele ɩ́ kɛɛkǝnɑ Tɑfiiti nɑ ɩ́ luki yontu.

⁶Ɩ́ tɛŋ sʋlʋm nɑ ŋkpɑɑŋ, nɑ ɩ́ tʋɣɩ tulɑɑlʋnɑɑ kʋpɑmpɑmɑ. Amɑ mǝ pɑɑ fɛɩnɑ ɩsǝnɑ Ɩsɛɣɛlɩ kɑwulɑɣɑ wɑkǝlɑɑ tɔ.

⁷Pǝ tɔɔ kɛ́ mɑ kpɑɑlǝɣɩ nɔɔnɔɔ sɩ ɩ́ kɑ́ wɛɛ mpɑ pɑ kpɑ yomle tɔ pɑ kɑncɑɑlɑɣɑ nyǝ́mɑ. Felentunɑɑ ɑcimɑ sɩɩ tǝnɑɣɑ.

⁸Ḿpʋ́ɣʋ́ Pǝ tǝnɑ pǝ tʋ Ɩsɔ Tɑcɑɑ tɔmɑ sɩ: Mɑ tuunɑ mɑ tɩ sɩ mɑ nyǝɣǝsɑ Ɩsɛɣɛlɩ nyǝ́mɑ kɑlɑmpɑɑnɩ kɛ́. Mɑɑ cɑɑkɩ mǝ kutuluŋ kʋpɑmpɑŋ. Mɑɑ tʋ mǝ kolontunɑɑ niŋ tɑɑ kɛ́ mpi pǝ wɛ Sɑmɑlii tɑɑ tɔ.

⁹Ye pǝ kɑɑsɑ yǝlɑɑ nɑɑnʋwɑ kɛ tǝyɑɣɑ tɑɑ, pɛlɛ pɑɑ sɩ.

¹⁰Pɑɑ wei ɩ́ polɑ ɩ sǝtʋ kpɑɣɑʋ sɩ ɩ piŋ, nɑ ɩ́ mɑɣɑnɑ pǝ kɑɑsɑ nɔɣɔlʋ kɛ nɑŋ lɛŋkʋ tɑɑ. Ɩ́ kɑ pɔɔsɩ-ɩ sɩ: Nyɑnɑ nɔɣɔlʋɣʋ? Ɩlɛnɑ pʋntʋ sɩ: Aɑɩ. Ɩlɛ sǝtʋ kpɑɣɑlʋ kɑ́ tǝkɩ-ɩ sɩ, su. Tɑɑ yɑɑ Tɑcɑɑ hǝtɛ nɑ ɩ́ nyɩ sɩ yʋlʋ wɛ cǝnɛ.

¹¹Pǝ tɑɣɑ pʋlʋ, ye Tɑcɑɑ ɩ́ yɔɣɔtɑɑ, kutuluŋ sɔsɔɔŋ nɑ sǝkpeŋ kɑ́ yɔkɩ ɩ tǝnɑɣɑ.

¹²Wulee kpɑɣɑnǝŋ kpɑɣɑ ɑsewɑ kɛ kʋkpɑmʋɣʋ tɔɔ? Yɑɑ ɩ́ nɑ pɑ hɑlɑ kʋ tɔɔ nɑ nɑɑŋ? Ɩlɛ pepe tɔɔ kɛ́ mǝ lɑɣɑsǝɣɩ tɑmpɑnɑ nɑ ɩsɑɣɑtʋ, nɑ ɑ kʋlʋlʋm pǝsǝɣɩ nyɑŋ pʋlʋ?

¹³Nɑ mǝ lɑŋɑ hɛɛwɑ sɩ ɩ́ lɛɛkɑ ɩcɑtɛ kpɑɩ nyǝntɛ, nɑ ɩ hɔŋ mǝ tɩ sɩ mǝ tomɑ tɔɔ kɛ́ ɩ́ lɛɛkɑ toŋ ɩcɑtɛ.

¹⁴Ḿpʋ́ɣʋ́ Pǝ tǝnɑ pǝ tʋ Ɩsɔ Tɑcɑɑ tɔmɑ sɩ: Mɑɑ yele nɑ piitim nɑpǝlɩ pǝ kʋlɩ nɑ pǝ hʋlɩ-mɛɣɛ pǝ toŋ. Pǝ kpɑɣɑʋ Lepo-Hɑmɑtɩ kɛ Ɩsɛɣɛlɩ tɛtʋ ilim ntɔɣɔŋ tɔ, hɑlǝnɑ Alɑpɑ lɔɔʋ kɛ ilim mpǝtǝŋ tɔɔ.