1Iyan heini zuma pa he menge kevuwazan ni Juda: si Perez, Hezron, Carmi, Hur, wey si Shobal.
2Is anak ni Shobal he si Reaya iyan amey ni Jahat. Si Jahat iyan amey ni Ahumai wey ni Lahad. Iyan heini sikandan menge pemilya te menge Zoratnen.
3Iyan heini menge anak ni Etam: si Jezreel, Ishma, wey Idbash. Is ngazan te suled dan he vahi ne si Hazelelponi.
4Si Penuel is amey ni Gedor, ne si Ezer is amey ni Hasha. Iyan heini sikandan menge kevuwazan ni Hur, he kinekekayan he anak ni Efrata. Si Hur ne iyan kepuun te menge tig-Betlehem.
5Si Ashur he amey ni Tekoa, dezuwa is esawa zin, si Hela wey si Naara.
6Iyan heini sikandan menge anak ni Naara wey Ashur he menge maama: Ahuzam, Hefer, Temeni, wey Haahashtari.
7Ne is menge anak mulà ni Hela wey Ashur ne iyan si Zeret, Izhar, Etnan,
8wey Koz. Heini si Koz ne iyan amey ni Ahub wey Hazobeba, ne kepuun sikandin te pemilya ni Aharhel he anak ni Harum.
9Duen sevaha he etew he iyan ngazan din si Jabez. Nevantug sikandin kenà is menge suled din he menge maama. Migngezanan sikandin te iney zin te Jabez su egkaǥi is iney zin te, “Utew a midreǥeni te ked-enaka ku kandin.”
10Mid-ampù si Jabez diyà te Megbevayà te Israel, “Deyzey pezem ke tuvazi a kenikew ne mebmeluag pa is tanè ku. Dumahi a kenikew wey ilikey a te menge ebpekezezaat su wey a kenà mesekiti.” Ne midtavak te Megbevayà is hangyù din.
11Si Kelub he suled ni Shuha, ne amey ni Mehir. Si Mehir ne amey ni Eshton, ne
12si Eshton ne amey sikandin ni Bet Rafa, Pasea, wey ni Tehina. Si Tehina ne amey ni Irnahash. Iyan heini sikandan menge tig-Reca.
13Is menge anak ni Kenaz he menge maama, ne iyan si Otniel wey si Seraya. Ne is menge anak ni Otniel he menge maama, ne si Hatat wey si Meonotai.
14Si Meonotai ne amey ni Ofra, Si Seraya ne amey ni Joab, he iyan midtukud te lugar he Suǥud-suǥud te menge Pandey. Migngezanan heini he Suǥud-suǥud te menge Pandey su zutun med-ubpà is mahabet he menge pandey.
15Iyan heini menge anak ni Caleb he menge maama he anak ni Jefune: si Iru, Ela, wey si Naam. Is anak ni Ela he maama ne iyan si Kenaz.
16Is menge anak ni Jehalelel he menge maama, ne iyan si Zif, Zifa, Tiria, wey si Asarel.
17Is menge anak ni Ezrah he menge maama, ne iyan si Jeter, Mered, Efer, wey Jalon. Si Mered ne zuen din esawa he si Bitia he anak te hadì te Ehipto. Duen dan menge anak he iyan si Miriam, Shamai, wey Ishba. Si Ishba ne amey ni Eshtemoa. Duen daan esawa ni Mered he tig-Juda ne iyan anak dan si Jered (he amey ni Gedor), Heber (he amey ni Soco), wey Jekutiel (he amey ni Zanoa).
19Nengesawa si Hodia te suled ni Naham. Is sevaha he anak dan ne iyan is amey ni Keila he Garminhanen, wey is sevaha, ne iyan is amey ni Eshtemoa he Maakatnen.
20Is menge anak ni Shimon he menge maama, ne iyan si Amnon, Rina, Ben Hanan, wey si Tilon. Ne is menge kevuwazan ni Ishi ne iyan si Zohet wey si Ben Zohet.
21Iyan heini menge kevuwazan ni Shela he anak ni Juda: si Er (he amey ni Leca), si Laada (he amey ni Maresha), wey menge pemilya te menge tighavel te linu ziyà te Bet Ashbea.
22Menge kevuwazan daan ni Shela si Jokim, is menge etew ziyà te Cozeba, si Joash, wey si Saraf he midumala zin is Moab wey Jashubi Lehem. (Heini he listahan ebpuun diyà te dukumintu he neuǥet en.)
23Iyan sikandan kes menge mendiziyun he ziyà ed-ubpà te Netaim wey Gedera. Midterebahu zan para te hadì.
24Is menge anak ni Simeon he menge maama, ne iyan si Nemuel, Jamin, Jarib, Zera, wey si Shaul.
25Si Shaul ne amey ni Shalum, ne si Shalum ne amey ni Mibsam, ne si Mibsam ne amey ni Mishma.
26Ne si Mishma ne amey ni Hamuel, ne si Hamuel ne amey ni Zacur, ne si Zacur ne amey ni Shimei.
27Duen 16 he anak ni Shimei he menge maama ne heenem is menge anak din he vahi. Piru is menge suled din, ne zeisey zà is menge anak dan, umbe is tivuuk he tribu zan, ne wazà mekerepeng te kezakel te menge etew ziyà te Juda.
28Diyè dan med-ubpà te Beersheba, Molada, Hazar Shual,
29Bilha, Ezem, Tolad,
30Betuel, Horma, Ziklag,
31Bet Marcabot, Hazar Susim, Bet Biri, wey ziyà te Shaaraim. Iyan heini menge inged dan taman te kedhadì ni David.
32Nekeubpè dan daan te lelima he inged: diyà te Etam, Ain, Rimon, Token, wey Ashan,
33wey minsan diyà daan te menge nekelingut kandan he menge lugar taman te Baalat. Iyan heini menge lugar he menge ubpaan dan, ne intapid dan kes insurat he guǥud te kegkevuwad dan. Iyan heini duma pa he menge kevuwazan ni Simeon:
34si Meshobab, Jamlec, Josha (he anak ni Amazia),
35Joel, Jehu (he anak ni Joshibia wey apù ni Seraya, wey apù ni Asiel te vuel),
36Elioenai, Jaakoba, Jeshohaya, Asaya, Adiel, Jesimiel, Benaya,
37wey si Ziza (he anak ni Shifi wey apù ni Alon, wey apù ni Jedaya te vuel. Heini si Jedaya ne anak ni Simri wey apù ni Shemaya).
38Iyan heini sikandan, menge pengulu te pemilya zan. Utew mibmahabet is menge pemilya zan.
39Umbe nekeume en sikandan diyà te uvey te inged he Gedor, ne ziyè dan te suǥud-suǥud he zapit te edsilaan. Ebpemen-ehè dan dutun te egkepenebtavan te menge kerehidu zan,
40ne neketuredu zan te utew merapung wey meupiya he ebpepenebtavan. Meluag heini wey melinew he lugar. Dutun dengan med-ubpà is menge kevuwazan ni Ham.
41Ne hein timpu pa he iyan hadì te Juda si Hezekia, is menge kevuwazan ni Simeon he nekaǥi en is menge ngazan dan, midsurung dan is menge kevuwazan ni Ham wey midsurung dan daan is menge Meunhanen he zutun daan med-ubpà, ne mibpenhimetayan dan is langun. Ne iyan dan dutun mid-ubpà taman guntaan, su zutun is pepenebtavè dan te menge kerehidu zan.
42Is 500 kandan ne iyan midsurung diyà te menge vuvungan te Seir. Iyan egalen dan si Pelatia, Nearia, Refaya, wey si Uziel he menge anak ni Ishi.
43Mibpenhimetayan dan dutun is nesamà he menge Amalikanhen, ne zutun dan en med-ubpà taman en guntaan.
