1Iyan heini sikandan menge anak ni Israel he menge maama: Reuben, Simeon, Levi, Juda, Isacar, Zebulun,
2Dan, Jose, Benjamin, Naftali, Gad, wey Asher.
3Duen tetelu he anak ni Juda he menge maama ziyà te esawa zin he si Batshua he Canaanhen. Si Er, Oran, wey si Shela. Si Er, ne iyan kinekekayan. Kenà meupiya is ulaula zin diyà te etuvangan te Nengazen, umbe midhimetayan sikandin te Nengazen.
4Duen pa anak ni Juda he menge maama ziyà te ambey zin he si Tamar. He iyan si Perez wey si Zera. Lelima langun is anak ni Juda he menge maama.
5Is menge maama he anak ni Perez ne iyan si Hezron wey si Hamul.
6Is menge anak ni Zera he menge maama, ne iyan si Zimri, Etan, Heman, Calcol, wey Darda–lelima sikandan langun.
7Is anak ni Carmi he maama ne si Acar. Iyan heini si Acar kes mid-uwit te kezeetan te Israel tenged te kegkuwaa zin duen te vutang ne imbeǥey en diyà te Megbevayà.
8Is anak ni Etan he maama ne si Azaria.
9Is menge anak ni Hezron he menge maama, ne iyan si Jerameel, Ram, wey Caleb.
10Si Ram, ne amey ni Aminadab, ne si Aminadab, ne amey ni Nashon he pengulu te Juda.
11Si Nashon, ne amey ni Salmon, ne si Salmon, ne amey ni Boaz.
12Si Boaz, ne amey ni Obed, ne si Obed, ne amey ni Jesse.
13Ne iyan kinekekayan he anak ni Jesse, si Eliab, is ikezuwa, iyan si Abinadab, is iketelu, iyan si Shimea,
14is ikeepat, iyan si Natanel, is ikelima, iyan si Radai,
15is ikeenem, iyan si Ozem, ne is ikepitu, iyan si David.
16Ne iyan menge suled dan he menge vahi si Zeruya wey si Abigail. Si Zeruya ne zuen tetelu he anak din he menge maama he si Abishai, Joab, wey Asahel.
17Ne iyan nekeesawa ki Abigail, si Jeter he Ismailihanen ne zuen dan anak he maama he si Amasa.
18Si Caleb he anak ni Hezron, duen menge anak din diyà te esawa zin he si Azuba he egngezanan daan ki Jeriot. Ne iyan heini menge anak ni Jeriot: si Jesher, Shobab, wey Ardon.
19Hein minatey si Azuba ne mid-esawa ni Caleb si Efrat ne mid-anak dan ne iyan si Hur.
20Si Hur, ne amey ni Uri, ne si Uri, ne amey ni Bezalel.
21Ne hein 60 en is penuiǥen ni Hezron, ne nengesawa sikandin te anak ni Makir, te suled ni Gilead he vahi. Duen dan anak he si Segub.
22Si Segub amey ni Jair, he iyan midumala te 23 he inged diyà te Gilead.
23(Piru mid-aǥew ni Geshur wey ni Aram haazà is menge inged ni Jair apil is Kenat, wey menge inged he nekelingut kayi. 60 langun he lugar.) Pudu heini menge kevuwazan ni Makir he amey ni Gilead.
24Wazà meuǥet ne minatey si Hezron diyà te Caleb Efrata hein mid-anak is esawa zin he si Abia. Is anak dan ne si Ashur he amey ni Tekoa.
25Si Jerameel, is penganey ni Hezron, lelima is menge anak din he maama. Si Ram is kinekekayan, is menge sunud, ne si Buna, si Oren, si Ozem, wey si Ahia.
26Si Jerameel ne zuen sevaha pa he esawa zin he egngezanan ki Atara. Ne si Atara, iyan iney ni Onam.
27Is menge anak ni Ram he menge maama te kinekekayan ni Jerameel, ne iyan si Maaz, Jamin, wey Eker.
28Is menge anak ni Onam he menge maama iyan si Shamai wey si Jada. Ne is menge anak ni Shamai he menge maama ne si Nadab wey si Abishur.
29Iyan ngazan te esawa ni Abishur si Abihail. Duen menge anak dan he menge maama he iyan si Aban wey si Molid.
30Is menge anak ni Nadab he menge maama iyan si Seled wey si Apaim. Minatey si Seled he wazè en mekaanak.
31Is anak ni Apaim he maama, ne iyan si Ishi. Si Ishi ne amey ni Sheshan, ne si Sheshan amey ni Alai.
32Si Jada is suled ni Shamai, dezuwa is menge anak din he maama he iyan si Jeter wey si Jonatan. Minatey si Jeter he wazè en mekaanak.
33Is menge anak ni Jonatan he menge maama, ne iyan si Pelet wey Zaza. Iyan heini sikandan menge kevuwazan ni Jerameel.
34Si Sheshan, ne wazè din anak he menge maama; menge vahi zà. Duen suluǥuen din he Ehiptohanen he egngezanan ki Jarha.
35Impeesawa ni Sheshan ki Jarha is sevaha te menge anak din he vahi, ne mid-anak sikandan te maama ne iyan ngazan din si Atai.
36Si Atai ne amey ni Natan, si Natan amey ni Zabad,
37ne si Zabad amey ni Eflal. Si Eflal amey ni Obed,
38si Obed amey ni Jehu, ne si Jehu amey ni Azaria.
39Si Azaria amey ni Helez, si Helez amey ni Eleasa,
40ne si Eleasa amey ni Sismai. Si Sismai amey ni Shalum,
41si Shalum amey ni Jekamia, ne si Jekamia amey ni Elishama.
42Is kinekekayan he anak ni Caleb he maama te suled ni Jerameel, ne iyan si Mesha he amey ni Zif. Ne is ikezuwa he anak din, ne si Maresha he amey ni Hebron.
43Is menge anak ni Hebron he menge maama, ne iyan si Kora, Tapua, Rekem, wey si Shema.
44Si Shema amey ni Raham, ne si Raham amey ni Jorkeam. Si Rekem amey ni Shamai,
45si Shamai amey ni Maon, ne si Maon amey ni Bet Zur.
46Is sevaha pa he esawa ni Caleb ne iyan si Efa he iney ni Haran, Moza, wey Gazez. Si Haran, ne zuen din anak he egngezanan daan ki Gazez.
47Is menge anak ni Jahdai he menge maama, ne iyan si Regem, Jotam, Geshan, Pelet, Efa, wey Shaaf.
48Ne is sevaha pa maan he esawa ni Caleb, ne iyan si Maaca. Duen menge anak dan he menge maama he iyan si Sheber, Tirhana,
49Shaaf (he amey ni Madmana), wey Sheva (he amey ni Macbena wey ni Gibea). Is anak ni Caleb he vahi ne iyan si Acsa.
50Iyan heini sikandan menge kevuwazan ni Caleb. Iyan si Hur kinekekayan he anak ni Caleb wey ni Efrata. Is menge anak ni Hur he menge maama, ne iyan si Shobal he amey ni Kiriat Jearim,
51si Salma he amey ni Betlehem, wey si Haref he amey ni Bet Gader.
52Is menge kevuwazan ni Shobal he amey ni Kiriat Jearim he iyan menge meǥinged te Haroe, is ketengà te menge etew he ed-ubpà diyà te Menuhot,
53wey is menge kezuzumahi ni Kiriat Jearim ne iyan is Itranen, Puthanen, Shumatnen, wey Mishranen. Iyan heini mibpuunan te menge Zoratnen, wey Eshtaulinen.
54Is menge kevuwazan ni Salma, ne iyan is menge tig-Betlehem, is menge tig-Netofa, is menge tig-Atrot Bet Joab, is ketengà te Manahatnen, is menge Zurhanen,
55wey menge pemilya te utew memetau he edsurat te menge dukumintu he ziyà ed-ubpà te inged he Jabez he iyan is menge Tiratnen, menge Simiyatnen, wey menge Sucatnen. Iyan heini sikandan menge Kinhanen he ebpuun ki Hammat, he iyan midtukud te Bet Recab.
