1Is langun he menge Israilihanen ne nelista ziyà te Libru he Midsuratan te menge Keguǥuza te menge Hadì te Israel. Is menge etew ziyà te Juda ne nengevihag te Babilonia tenged te kenè dan kebpezumazuma te Nengazen.
2Is nehuna he nekeulì diyà te menge inged dan he keugelingen dan he tanà iyan is menge Israilihanen, menge memumuhat, menge Levihanen, wey menge suluǥuen diyà te valey te Nengazen.
3Iyan heini menge keet-etawan te menge tribu te Juda, Benjamin, Efraim, wey Manase he nekelikù he ziyà med-ubpà te Jerusalem:
4Si Utai he anak ni Amihud (si Amihud ne anak ni Omri; si Omri ne anak ni Imri. Si Imri ne anak ni Bani, he kevuwazan ni Perez he anak ni Juda).
5Diyà te Silonhanen: si Asaya he iyan kinekekayan, wey is menge anak din.
6Diyà te Sirahanen: iyan is pemilya ni Jeuel. 690 sikandan is langun he ebpuun te tribu ni Juda.
7Diyà te tribu ni Benjamin: si Salu he anak ni Meshulam (si Meshulam ne anak ni Hodavia; si Hodavia ne anak ni Hasenua),
8si Ibnea ne anak ni Jeroham, si Ela ne anak ni Uzi (si Uzi ne anak ni Micri), ne si Meshulam he anak ni Shefatia (si Shefatia ne anak ni Reuel; si Reuel ne anak ni Ibnia).
9Heini sikandan is langun menge pengulu te menge pemilya zan. Ne 956 sikandan langun he ebpuun te tribu ni Benjamin is nekelikù, sumalà is diyà te listahan te kandan he kevuwazan.
10Is menge memumuhat he nekelikù ne iyan: si Jedaya, si Jehoyarib, si Jakin,
11si Azaria he iyan pinekelavew he upisyal ziyà te valey te Megbevayà (anak sikandin ni Hilkia; si Hilkia ne anak ni Meshulam; si Meshulam ne anak ni Zadok; si Zadok ne anak ni Merayot; si Merayot ne anak ni Ahitub).
12Ne elin daan nekelikù, si Adaya he anak ni Jeroham (si Jeroham ne anak ni Pashur; si Pashur ne anak ni Malkia), si Maasai ne anak ni Adiel (si Adiel ne anak ni Jazera; si Jazera ne anak ni Meshulam; si Meshulam ne anak ni Meshilemit; si Meshilemit ne anak ni Imer).
13Ne 1,760 sikandan is langun he menge memumuhat he nekelikù. Menge pengulu sikandan te menge pemilya zan, ne meupiya sikandan he menge pengulu. Iyan sikandan midseriǥan he ebpenilbi zuen te valey te Megbevayà.
14Diyà te menge Levihanen: si Shemaya he anak ni Hashub (si Hashub ne anak ni Azrikam; si Azrikam ne anak ni Hashabia he kevuwazan ni Merari),
15si Bakbakar, Heresh, Galal, Matania (si Matania ne anak ni Mica; si Mica ne anak ni Zicri; si Zicri ne anak ni Asaf),
16si Obadias he anak ni Shemaya (si Shemaya ne anak ni Galal; si Galal ne anak ni Jedutun), ne si Berekia he anak ni Asa he apù ni Elkana, he ziyà med-ubpà te menge inged te Netofanhen.
17Diyà te menge ebantey te menge ǥemawan iyan nekelikù: si Shalum, Akub, Talmon, Ahiman, wey is menge kezuzumahi zan. Si Shalum ne iyan pengulu zan.
18Taman guntaan ne iyan sikandan ebantey zuen te Gemawan te Hadì he zapit te edsilaan he kilid duen te inged. Iyan sikandan dengan ebantey te ǥemawan te edseled diyà te kampu te menge kevuwazan ni Levi.
19Si Shalum ne anak ni Kore ne apù ni Ebiasaf, he ebpuun te pemilya ni Kora. Si Shalum wey is menge kezuzumahi zin he menge kevuwazan ni Kora, ne iyan midseriǥan te kebantey zuen te ǥemawan te Tulda he Edtelevukaayan iring te menge kepuun dan he iyan midseriǥan he ibpevantey zutun te ǥemawan te Baley te Nengazen.
20Si Finehas he anak ni Eleazar he iyan is nehuna he midseriǥan he ibpevantey zutun te ǥemawan, ne midumahan sikandin te Nengazen.
21Si Zacarias he anak ni Meshelemia, ne tigbantey zaan sikandin te ǥemawan te Tulda he Edtelevukaayan.
22Ne 212 langun is menge ebantey zutun te ǥemawan, ne inlista sikandan sumalà is diyà te listahan te kegkevuwad dan dutun te inged dan. Ne si David wey si Samuel he ebpeneuven, iyan mibeǥey te menge ketengdanan diyà te menge kepuun dan he iyan ebantey zutun te ǥemawan (tenged te egkengeseriǥan sikandan).
23Heini he menge ebantey wey is menge kevuwazan dan, ne iyan midseriǥan he ebantey te menge ǥemawan duen te valey te Nengazen he egngezanan daan te Tulda.
24Ebentayan dan is heepat he pesikilizà dutun: dapit te edsilaan, te edsenlepan, dapit te zizaya, wey te egkezivavà.
25Edseletselet daan edsambey ebantey is menge kezuzumahi zan he ziyà ed-ubpà te zezeisek he inged. Ebantey zan seled te pitu he andew.
26Piru is heepat he pengulu he menge ebantey, he menge kevuwazan ni Levi, ne iyan dan ibpevantey zutun te seled te menge kuwartu wey te menge budiga zuen te valey te Nengazen.
27Ebpurang sikandan he ebantey ziyà te peliǥuy zutun te valey te Nengazen su kinahanglan haazà he ebentayan dan wey ebpuwasan dan kada meselem.
28Is duma zutun kandan, ne midseriǥan te ked-atur te menge gelemiten dutun he egemiten te ked-azap. Ebilangen dan heini emun egemiten ne ebilangen dan ded ke egkepasad is kegemita zutun.
29Is duma, midseriǥan te ked-atur te zuma pa he menge gelemiten dutun te valey te Nengazen, ragkes en dutun is menge herina, binu, lana, beyewà, wey zuma pa he menge penaket.
30Piru baal te menge memumuhat is kebpedsesehuǥa zutun te menge penaket.
31Si Matitia he kevuwazan ni Levi, he kinekekayan he anak ni Shalum he kevuwazan ni Kora, iyan midseriǥan te kedhilutù te supas he ibpemuhat.
32Is duma pa he menge kevuwazan ni Kora midseriǥan te ked-endama wey kedsevuka te menge supas diyà te lemisahan te kada Andew te Kedhimeley.
33Is menge musikiru zutun te valey te Nengazen, menge pengulu te menge pemilya te kevuwazan ni Levi. Ne wazè en duma pa he menge vaal zan su is buluhaten dan ebeelan dan te maandew wey mezukilem.
34Heini sikandan langun menge pengulu te menge pemilya zan he kevuwazan ni Levi. Nelista sikandan diyà te listahan te kegkevuwad dan. Ne ziyè dan med-ubpà te Jerusalem.
35Si Jiel he amey ni Gibeon ne ziyà med-ubpà te Gibeon. Ne iyan ngazan te esawa zin si Maaca.
36Is menge anak din he menge maama ebpuun te kinekekayan pehendiyà te tinengkezan ne iyan si Abdon, Zur, Kish, Baal, Ner, Nadab,
37Gedor, Ahio, Zecarias, wey si Miklot
38(he amey ni Shemeam). Ne ziyè dan med-ubpà te uvey te menge kezuzumahi zan diyà te Jerusalem.
39Si Ner ne amey ni Kish, si Kish ne amey ni Saul, ne si Saul ne amey ni Jonatan, Malkishua, Abinadab, wey si Eshbaal.
40Is anak ni Jonatan, ne si Merib Baal he amey ni Micas.
41Is menge anak ni Micas iyan ensi Piton, Melec, Tarea, wey si Ahaz.
42Si Ahaz ne amey ni Jada, ne si Jada he amey ni Alemet, Azmavet, wey ni Zimri. Si Zimri ne amey ni Moza,
43ne si Moza ne amey ni Binea. Is anak ni Binea he iyan si Refaya, ne is anak ni Refaya ne si Eleasa, ne is anak ni Eleasa ne iyan si Azel.
44Si Azel ne zuen heenem he menge anak din he si Azrikam, Bokeru, Ishmael, Shearia, Obadias, wey si Hanan.
