NAANAA 28 - Luda yã takada kũ Bisã yão

¹Akũ Isaaku Yakubu sìsi à sa'olɛ kɛ̀nɛ à yã dànɛ à pì: Ǹsun nↄ sɛ́ Kanaa nↄgbɛ̃nↄ tɛ́ro.

²Ǹ futɛ ǹ gɛ́ Mɛsↄpↄtamia bùsun n da de Bɛtuɛli bɛa, ǹ nↄ sɛ́ gwe n disɛ̃ Labã nɛ́nↄ tɛ́.

³Luda Gbãnasĩndapinkide arubarika dangu à tó ǹ nɛ́ i manamana, ògↄ̃ kara de ǹ gↄ̃ burinↄ dizi ũ.

⁴Luda arubarika kũ à dà Ibrahĩn dangu kũ n burinↄ, de bùsu kũ ntɛn nibↄ blen gↄ̃nnɛ, bùsu kũ à kpà Ibrahĩaa.

⁵Akũ Isaaku Yakubu gbàrɛ à gɛ́ Labã kĩnaa Mɛsↄpↄtamia bùsun. Labã bi Siria bùsu gbɛ̃ Bɛtuɛli nɛ́mɛ, Yakubu kũ Isauo disɛ̃mɛ.

⁶Isau mà Isaaku sa'olɛ kɛ̀ Yakubunɛ à a gbàrɛ Mɛsↄpↄtamia de à nↄ sɛ́ gwe. Kũ à sa'olɛ pìi kɛ̀nɛ, à pì àsun nↄ sɛ́ Kanaa nↄgbɛ̃nↄ tɛ́ro.

⁷À tàasii kà kũ Yakubu a de kũ a dao yã mà à dà Mɛsↄpↄtamia zɛ́n.

⁸Akũ à dↄ̃̀ sà kũ a de pↄ nna kũ Kanaanↄ bùsu nↄgbɛ̃nↄro.

⁹Akũ à gɛ̀ɛ Ibrahĩ nɛ́ Sumaila kĩnaa à a nɛ́ Maala sɛ̀ à nà a nↄ káakunↄa. Maala bi Nɛbayo dãremɛ.

¹⁰Yakubu bò Bɛsɛba à dà Arana zɛ́n.

¹¹Kũ à kà gukea, à ye à i gwe kũ ifãntɛ̃ gɛ̃̀ kpɛ́n yãi. Akũ à gbɛ̀ɛ sɛ̀ gu pìn a mìdibↄ ũ à wùtɛ gwe.

¹²Akũ à nana ò à gára è pɛtɛna zĩtɛ ari à gɛ̀ɛ à zↄ̃̀ ludambɛa, Luda malaikanↄ tɛn didia òtɛn kipa.

¹³À Dikiri è zɛnaala à pì: Makũmɛ Dikiri n dizi Ibrahĩ kũ n de Isaakuoo Luda ũ. Mani bùsu kũ ń wútɛa díkĩna kpámma, mↄkↄ̃n kũ n burinↄ.

¹⁴N burinↄ nigↄ̃ dasi lán bùsutiti bà, oni dagula ifãboki kpa kũ ifãlɛtɛo kũ gugbãnduru kũ gɛ̀nↄmidↄkio. Andunia buri sĩnda pínki ni arubarika le mↄkↄ̃n kũ n burio gãi.

¹⁵Manigↄ̃ kú kũnwo, manigↄ̃ n dãkpã gu kũ ntɛn gɛ́n pínki, mani ɛra mà su kũnwo bùsu díkĩnan, zaakũ mani n tónlo mani yã kũ ma ònnɛ kɛ.

¹⁶Kũ Yakubu vù kũ io à pì: Dikiri kú gu dí, akũ mádi dↄ̃ro!

¹⁷Vĩna a kũ̀ à pì: Gu dí ma kã fùtɛ. Luda bɛmɛ, ludambɛ zɛ́mɛ.

¹⁸Yakubu fùtɛ kↄnkↄ à gbɛ̀ kũ à kɛ̀ mìdibↄ ũ pìi sɛ̀ à pɛ̀tɛ dↄngupↄ ũ, akũ à nísi kùa.

¹⁹Akũ à tↄ́ kpà gu pìinɛ Bɛtɛli, ama wɛ̃tɛ kũ ò kàtɛ gwe tↄ́ káakun Luzu.

²⁰Yakubu lɛ́ kɛ̀ Dikiria à pì: Tó ń kú kũmao, tó ĩni ma dãkpã ma wɛ̃tɛ díkĩna gɛnaa gũn, tó ĩni ma gba pↄ́ble kũ pↄ́kasanↄ

²¹ari ma gɛ ma su ma de bɛa aafia, ĩnigↄ̃ de ma Luda ũ,

²²gbɛ̀ kũ ma pɛ̀tɛ dↄngupↄ ũ pì ni gↄ̃ n gbagbaki ũ, pↄ́ kũ n ma gba pínki mani a kuride kpámma.

NAANAA 281234567891011121314151617181920212223242526272829303132333435363738394041424344454647484950

NAANAA 28
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50