NAANAA 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Nuhu nɛ́gↄ̃gbɛ̃nↄ Sɛmu kũ Hamuo kũ Yafɛtio kũ ń nɛ́gↄ̃gbɛ̃ kũ ò ì í dana anduniala gbɛranↄ yãn dí.

²Yafɛti nɛ́gↄ̃gbɛ̃nↄ tↄ́n dí: Goma, Magↄgu, Midiã, Girisi, Tubala, Mɛsɛki kũ Tirasao.

³Goma nɛ́gↄ̃gbɛ̃nↄ tↄ́n dí: Asakɛnaza, Rifa, Tↄgama.

⁴Girisi nɛ́gↄ̃gbɛ̃nↄ tↄ́n dí: Ɛlisa, Tasisi, Sipiru, Rodanimu.

⁵Buri pìnↄ mɛ́ ò dàgula ísira gɛrɛɛi, ò kↄ̃ kpàatɛtɛ bùsu kũ bùsuuo buri kũ burio danɛdanɛ, baadi kũ a buriyão.

⁶Hamu nɛ́gↄ̃gbɛ̃nↄ tↄ́n dí: Etiopia, Misila, Libia kũ Kanaao.

⁷Etiopia nɛ́gↄ̃gbɛ̃nↄ tↄ́n dí: Sɛba, Avila, Sabata, Raama kũ Sabatɛkao. Raama nɛ́gↄ̃gbɛ̃nↄmɛ Seba kũ Dedão ũ.

⁸Nimlↄdu bi Etiopia burimɛ dↄ. Àkũmɛ andunia gbãnazↄ̃kↄ̃de tↄ́de káaku ũ.

⁹Tofe sàamɛ Dikiri kĩnaa. A yã mɛ́ à tò òdi pi: Lákũ Nimlↄdu de tofe sà ũ Dikiri kĩnaa nà.

¹⁰Babilↄnia bùsu kũ à kí blèa káaku wɛ́ranↄmɛ Babɛli kũ Ɛrɛkio kũ Akadao kũ Kalanɛo ũ.

¹¹Bona gwe à gɛ̀ɛ Asiria bùsun, akũ à Ninɛva kàtɛ kũ Reobo'irio kũ Kalao

¹²kũ Rɛsɛ̃ kũ à kú Ninɛva dagura kũ Kalao. Ninɛvamɛ wɛ́ra zↄ̃kↄ̃ ũ.

¹³Misila burinↄn dí: Ludunↄ, Anamunↄ, Lɛabanↄ, Nafatunↄ,

¹⁴Patarusinↄ, Kasalunↄ kũ Kɛrɛti kũ Filisitininↄ bò ń gũnnↄo.

¹⁵Kanaa daudu Sidↄ̃ burinↄn dí: Itinↄ,

¹⁶Yebusinↄ, Amↄrinↄ, Gigasinↄ,

¹⁷Ivinↄ, Akinↄ, Sininↄ,

¹⁸Avadanↄ, Zɛmarinↄ kũ Amatanↄo. Kanaa pìnↄ dàgula kpɛkpɛ.

¹⁹Ń bùsu lɛ́zɛkin dí. Bona zaa Sidↄ̃ gɛna Gera kũ à kú Gaza sarɛ ari Sↄdↄmu kũ Gↄmↄrao kũ Adamao kũ Zeboimu kũ à kú Lasa sarɛo.

²⁰Hamu nɛ́gↄ̃gbɛ̃nↄn gwe buri kũ burio bùsu kũ bùsuuo danɛdanɛ, baadi kũ a buriyão.

²¹Yafɛti dakũna Sɛmu buri kɛ̀ dↄ. Àkũmɛ Eberunↄ dizi káaku ũ.

²²Sɛmu nɛ́gↄ̃gbɛ̃nↄ tↄ́n dí: Elamu, Asiria, Apasada, Ludu kũ Aramuo.

²³Aramu nɛ́gↄ̃gbɛ̃nↄ tↄ́n dí: Uzu, Hulu, Geta kũ Mɛsɛkio.

²⁴Apasada mɛ́ à Sela ì, akũ Sela Eberu ì.

²⁵Eberu nɛ́gↄ̃gbɛ̃nↄ ì gbɛ̃nↄn pla. A do tↄ́n Pɛlɛgi, zaakũ a gↄrↄn ò kɛ̃̀kↄ̃a andunia gũn. A dakũna tↄ́n Yↄkↄtã.

²⁶Yↄkↄtã nɛ́gↄ̃gbɛ̃nↄ tↄ́n dí: Alamↄdada, Sɛlɛfi, Azamavɛ, Yera,

²⁷Adoramu, Uzala, Dikala,

²⁸Obala, Abimaɛli, Seba,

²⁹Ofi, Avila kũ Yobabuo. Yↄkↄtã nɛ́gↄ̃gbɛ̃nↄn gwe pínki.

³⁰Bona Mɛsa gɛna Sefa kũ kpi kũ ò kú ifãboki kpanↄ, àkũmɛ ń bùsu ũ.

³¹Sɛmu nɛ́gↄ̃gbɛ̃nↄn gwe pínki buri kũ burio bùsu kũ bùsuuo danɛdanɛ, baadi kũ a buriyão.

³²Nuhu nɛ́gↄ̃gbɛ̃nↄ burinↄn gwe danɛdanɛ bùsu kũ bùsuuo. Ń kĩnaan andunia buri sĩnda pínki bòn ò dàgula í dana anduniala gbɛra.