Luka 15:1-23

¹Oko o Isus ćididinepes but e carenikurja thaj e bare bezehale manuša te ašunenles sar sikavel.

²Zato e fariseja thaj sikavne e Mojsiješće zakonestar mrmljinas: “Družilpes e bezehalenca thaj još čak vi hal lenca!”

³Pe godova o Isus phendas lenđe akaja prispodoba:

⁴Ko tumendar, ako siles šel bakhre thaj hasarel jećhe či mućela okolen injavardeš thaj inja ande divljina, thaj či đelosas te rodel godole jećhe dok či araćhel les?

⁵A kana araćhel les, pherdo bah čhol les pe dume

⁶thaj boldel les ćhere thaj čim aresel ćhere akharel pire komšijen thaj pe drugaren thaj phenel lenđe: “Raduintumen manca! Arakhlem mungre hasarde bakhes.”

⁷Phenav tumenđe, gajda savora ando nebo avena maj bahtale pale jek bezehalo manuš savo obratilpe e Devlešće nego pale injavardeš thaj inja save gndin kaj si pravednikurja thaj kaj či trubun te obratines ko Del.”

⁸O Isus phendas lenđe: “Savi godoja manušnji ako sila deš rupa, thaj jek hasarel, či del jag e memelji, thaj, či šlavel lačhe o ćher thaj lačhe rodel dok či araćheles?

⁹A kana araćheles, akharel pire komšinicen thaj pire drugaricen thaj phenel lenđe: 'Raduintumen manca! Arakhlem o rup savo hasardem.'

¹⁰Phenav tumenđe, kaj gajda e Devlešće anđelurja raduina pes pele jek bezehalo savo obratil pes.”

¹¹Thaj o Isus nastavisarda: “Varesave manuše sas duj čhave.

¹²O maj terno phendas pire dadešće: “Dade, deman akana mungro naslestvo savo pripadil manđe.” Thaj o dad podelisardas o barvalipe.

¹³Kana nakhlo varesave đesa o majterno čhavo ćidas sa piro, thaj otputuisarda ande dur e phuv thaj okote potrošisarda sa piro barvalipe pire bilačhe trajosa.”

¹⁴“Kana potrošisarda sa, dija e bari bok ande godoja phuv, thaj nas les so te hal.

¹⁵Askal đelo thaj zaposlisajlo sago sluga ke jek manuš ande godoja phuv thaj čarjarelas lešće balen.

¹⁶O čhavo sas gajda bokhalo kaj rado halasas vi e ljuske katar e mahune save hanas e bale, ali khonikal či delas len lešće.

¹⁷Kana napokon avilo peste, phendas: “Ke mungro dad e sluge mungre dadešće si habe gaći kaj uvek vi ačhel, a me akate merav bokhatar!

¹⁸Uštava, teljarava ke mungro dad thaj phenava lešće: 'Dade, sagrešisardem protiv tute thaj protiv o Del ando nebo!

¹⁹Najsem majbut dostojno te akharama ćire čhavesa. Primima sago jećhe katar ćire najamnikurja.”

²⁰Uštilo thaj teljarda ke piro dad. Dok sas još dur katar piro ćher, lesko dad dikhlales dok sas još po drom thaj sažalisajlo pe leste thaj prastajas angle leste, dijales mrtiko thaj čumida les.

²¹A o čhavo phendas lešće: “Dade, sagrešisardem protiv tute thaj protiv o Del! Najsem majbut dostojno te akharama ćire čhavesa.”

²²A o dad phendas e slugenđe: “Brzo inkalen e majšukar haljina thaj den pe leste! Čhon lešće e angrušći po naj thaj e sandale pe lešće pungre!

²³Anen e maj thule guruv thaj denle čhurjasa, pa te pogostime thaj te veselime